Elizabeth Banks
From Wikipedia, the free encyclopedia
Remove ads
Elizabeth Irene Mitchell[3][4] (10 de febreru de 1974, Pittsfield (es) 
), más conocida como Elizabeth Banks, ye una actriz, direutora y productora de cine d'Estaos Xuníos. Fixo'l so debú en 1998 como Vicki nel filme Surrender Dorothy. Destácase principalmente polos sos papeles en Scrubs, What to expect when you are expecting, The 40-Year-Old Virgin, W, Spider-Man, Pitch Perfect y The Hunger Games.
Remove ads
Primeros años y educación
Banks nació en Pittsfield, Massachusetts, como la mayor de los cuatro fíos d'Ann y Mark Mitchell.[5] El so padre yera obreru nuna fábrica de General Electric y la so madre, hasta apocayá tiempu, trabayó nun bancu.[6] Cuando yera neña, participó nel programa de xuegos de Nickelodeon Finders Keepers. Graduóse na Escuela Secundaria Pittsfield en 1992 y ye una graduada cum laude de la Universidá de Pennsylvania, onde yera integrante de la fraternidá femenina Delta Delta Delta. Foi la primera na so familia en llograr un títulu universitariu. En 1998, completó los sos estudios nel American Conservatory Theater.
Remove ads
Carrera
Banks camudó'l so nome pa evitar tracamundiu cola actriz Elizabeth Mitchell.[7] Debutó como actriz na película independiente Surrender Dorothy como Elizabeth Casey. Banks ye reconocida polos sos papeles en Seabiscuit, Heights, les películes de Spiderman (onde interpreta a Betty Brant), y la comedia de cultu Wet Hot American Summer. Rápido empezó a adquirir fama por películes como The 40-Year-Old Virgin y Slither. Tamién interpretó a la novia de Mark Wahlberg na película de 2006 Invincible.
En mayu de 2006, apaeció nel últimu episodiu de la quinta temporada de la serie de la NBC Scrubs como la Dra. Kim Briggs, la novia de J.D. (Zach Braff). El personaxe apaeció recurrentemente mientres la sesta y la séptima temporada.
En 2005, tamién apaeció na serie Stella, yá que ye amiga de los creadores y los protagonistes de la serie. En 2007, Banks interpretó'l papel protagonista femenín na comedia Meet Bill, xunto a Aaron Eckhart y Jessica Alba. Banks tamién tuvo un papel menor na comedia navidiega de 2007 Fred Claus, co-protagonizada por Vince Vaughn y Paul Giamatti, y actuó na comedia de 2008 Definitely, Maybe xunto a Isla Fisher y Ryan Reynolds.
Banks protagonizó con Seth Rogen la comedia de Kevin Smith Zack and Miri make a porno, que foi estrenada n'ochobre de 2008. Apaeció nel thriller The Uninvited, y tamién como l'antigua Primer Dama d'Estaos Xuníos Laura Bush na película d'Oliver Stone sobre la vida de George W. Bush, W.[8]
Banks ye una co-protagonista frecuente del actor Paul Rudd, y dambos apaecieron en cuatro películes xuntos hasta la fecha (Wet Hot American Summer, The Baxter, The 40 Year Old Virgin, y Role Models).
Nel añu 2012 actuó na adautación al cine de The Hunger Games, interpretando a Effie Trinket. Darréu, repitió esti papel nes sos secueles The Hunger Games: Catching Fire (2013), The Hunger Games: Mockingjay - Part 1 (2014) y The Hunger Games: Mockingjay - Part 2 (2015).
Remove ads
Vida personal
El 5 de xunetu de 2003, Banks casóse con Max Handelman, que fuera'l so noviu dende la universidá.[9] Convirtióse al xudaísmu depués de casase con él.[10] Tienen dos fíos, Felix (2011) y Magnus (2012).
Filmografía
Cine
Televisión
Videoxuegos
Remove ads
Premios
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads