Esteban III
From Wikipedia, the free encyclopedia
Remove ads
Esteban III o IV (* Siracusa, (¿?) – Roma, † 24 de xineru de 772) foi'l Papa nᵘ94 de la Ilesia católica de 768 a 772.
.jpg)
Cuando fina'l papa Pablo I desígnase como papa a un sacerdote romanu llamáu Felipe qu'arrenuncia a otru día. Entós, el duque de Nepi provoca una insurrección armada y proclama anticanónicamente como papa al so hermanu, un llaicu que va tomar el nome de Constantino II y qu'en siendo depuestu ye consideráu pola Ilesia como antipapa.
Esteban III, que moraba en Roma desque dexó la so ciudá natal sol pontificáu de Gregorio III, venía realizando funciones, cada vez más importantes, pa los socesivos papes hasta que, una vegada depuestu l'antipapa Constantino foi escoyíu pa ocupar la siella de San Pedro. Mientres el so pontificáu destaca la celebración en 769 d'un conceyu en Laterano nel que, ente otres midíes, establecióse que'l Papa tenía de ser escoyíu ente los cardenales, condergar a l'antipapa Constantino y condergóse la iconoclasia confirmando la práutica de la devoción a los iconos.
Nel planu temporal producióse la muerte de Pipino el Curtiu el mesmu añu de la so eleición como papa, lo que provocó un alloñamientu de la política de los sos antecesores, al alloñase de los reis francos y averase a los lombardos, a raigañu del matrimoniu celebráu pol nuevu rei francu Carlomagno cola fía del rei lombardu Desiderio.
Finó'l 24 de xineru de 772.
- En llistaos previos a 1961, esti papa apaez como Esteban IV en llugar d'Esteban III. El tracamundiu deber a que dellos autores tomen en cuenta la eleición, tres la muerte del papa Zacarías, d'un sacerdote romanu qu'adoptó'l nome d'Esteban II, pero que morrió trés díes depués, el 24 de marzu de 752. Pa más información consulte l'artículu Esteban II (papa efímeru).
| Predecesor: Pablo I |
 757-768 |
Socesor: Adriano I |
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads