Eta Librae

Eta Librae (η Lib / 44 Librae)^[1] ye una estrella na constelación de Llibra. De magnitú aparente +5,42, ye la vigésimosexta estrella más brillosa na constelación, magar llevar la denominación de Bayer «Eta». Anguaño alcuéntrase a 149 años lluz de distancia del Sistema Solar, pero dientro de 1,1 millones d'años va tener llugar el so máximu acercamientu a la Tierra, cuando va tar a 67 años lluz.^[2]

Eta Librae
Datos d'observación (Dómina J2000.0)
Constelación	Llibra
Ascensión reuta (α)	15h 44min 04,40s
Declinación (δ)	-15º 40’ 22,2’’
Mag. aparente (V)	+5,42
Carauterístiques físiques
Clasificación estelar	A6IV
Masa solar	1,78 M☉
Radiu	(2,6 R☉)
Magnitú absoluta	+2,11
Lluminosidá	13 L☉
Temperatura superficial	7655 K
Metalicidá	[Fe/H] = -0,01
Astrometría
Velocidá radial	-31,2 km/s
Distancia	149 ± 2 años lluz
Paralax	21,86 ± 0,23 mas
Referencies
SIMBAD	enllaz
Otres designaciones
44 Librae / HD 140417 / HR 5848 / HIP 77060 / SAO 159466 / BD-15 4171
[editar datos en Wikidata]

Eta Librae ye una subxigante blanca de tipu espectral A6IV,^[1] enantes clasificada como F0IV.^[3] Según un estudiu, pue que nun seya una auténtica subxigante, y percorrería namái la metá del so camín como estrella de la secuencia principal. Tien una temperatura efectivo de 7780 K y relluma con una lluminosidá 18 vegaes superior a la lluminosidá solar.^[4] El so radiu ye 2,6 vegaes más grande que'l del Sol.^[5] Xira sobre sigo mesma con una velocidá de rotación proyeutada —llende inferior de la mesma— de 115 km/s^[5] y tien una masa de 1,78 mases solares.^[4]

Eta Librae ye una estrella químicamente peculiar,^[6] magar nun paez ser variable. La so composición química afaya ciertes anomalíes, siendo dellos elementos sobreabundantes y otros deficitarios. Ente los primeres cabe solliñar el ceriu, samariu y neodimiu, siendo la bayura d'esti postreru 4,5 vegaes mayor que nel Sol. Otra manera, el nivel de cobre apenes algama la metá del nivel solar.^[7]