FS Comae Berenices
From Wikipedia, the free encyclopedia
Remove ads
FS Comae Berenices (FS Com / 40 Comae Berenices) ye una estrella de magnitú aparente +5,61[1] encuadrada na constelación de la Melota de Berenice. D'alcuerdu al nuevu amenorgamientu de los datos de paralax d'Hipparcos, alcuéntrase a 736 años lluz del Sistema Solar.
FS Comae Berenices ye una xigante colorada de tipu espectral M5III.[1] La so temperatura superficial ye de 3433 ± 148 K[2] y relluma con una lluminosidá 2032 vegaes superior a la lluminosidá solar. Una cantidá importante de la so radiación ye emitida como lluz infrarroxo; por ello, en banda K —nel infrarroxu cercanu—, la so lluminosidá equival a la de 9900 soles.
La midida por interferometría del so diámetru angular en banda K ye de 6,80 ± 0,30 milisegundos d'arcu.[3] Considerando la distancia a la que s'atopa, el so diámetru real ye 165 vegaes más grande que'l del Sol. Sicasí, otru estudiu considera un menor diámetru, equivalente a 136 vegaes el diámetru solar.[4]
FS Comae Berenices ye una variable semirregular de tipu SRB con una variación de rellumu de 0,35 magnitúes. Ye multiperiódica y conócense dos periodos de 38,2 y 55,4 díes.[5] Al pie de ellos, reparóse un periodu secundariu de llarga duración (675 díes).[4]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads