FW Canis Majoris
From Wikipedia, the free encyclopedia
Remove ads
FW Canis Majoris (FW CMa / HD 58343 / HR 2825)[8] ye una estrella variable na constelación del Can Mayor de magnitú aparente media +5,20.[8] Alcuéntrase a unos 945 años lluz de distancia del Sistema Solar.
FW Canis Majoris ye una caliente estrella azul de tipu espectral B2Vne con una temperatura efectivo de 15.025 K.[9] Con un diámetru cuasi cuatro veces más grande que'l del Sol, la so lluminosidá visual equival a 762 soles. Portando una masa de cuasi 6 mases solares, ye una estrella bien nueva d'apenes 70 millones d'años[10] —compárese cola edá del Sol que ye de 4600 millones d'años; cuanto mayor ye la masa estelar más curtia ye la vida d'una estrella, y FW Canis Majoris, inda na secuencia principal, nun empezó les últimes etapes de la so evolución estelar.
La velocidá de rotación midida en FW Canis Majoris ye de 35 km/s;[9] esti valor, anque ye 17 vegaes superior al del Sol, ye baxu pa una estrella de les sos carauterístiques —como exemplu, puede señalase a α Arae, d'igual tipu espectral, que xira a una velocidá de siquier 298 km/s. Ello ye que FW Canis Majoris, ta catalogada como estrella Be,[8] esto ye, desenvolvió un discu de materia circundante por cuenta de la so perrápida rotación. L'aparente discrepancia débese a que, pal observador terrestre, la estrella apaez vista dende'l polu; piénsase que l'enclín del so exa de rotación al respective de la llinia de visión ye d'apenes 9,7º.[11]
De rellumu variable ente magnitú +5,0 y +5,5, FW Canis Majoris ye una variable eruptiva del tipu Gamma Cassiopeiae;[12] los miembros d'esti grupu d'estrelles, tipificado por γ Cassiopeiae, amuesen impredicibles variaciones na so lluminosidá provocaes pola espulsión de material estelar.
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads