Federación Internacional de Ḥoquei sobre Xelu

La Federación Internacional de Ḥoquei sobre Xelu (n'inglés: International Ice Hockey Federation, IIHF) ye la organización que se dedica a regular les normes del ḥoquei sobre xelu a nivel internacional, lo mesmo que de celebrar dacuando competiciones y eventos.

Federación Internacional de Ḥoquei sobre Xelu
federación deportiva internacional
Llocalización
Sede	Zúrich
Historia
Fundación	15 mayu 1908
Forma parte de	ver Asociación de Federaciones Internacionales Olímpicas de Deportes de Invierno (es) Global Association of International Sports Federations
Web oficial

Tien la so sede en Zúrich (Suiza) y cuenta en 2007 cola afiliación de 65 federaciones nacionales. El presidente en funciones, dende l'añu 1994, ye René Fesel de Suiza.

Historia

La IIHF foi fundada'l 15 de mayu de 1908 en París por representantes de cuatro entidaes nacionales: Bélxica, Francia, el Reinu Xuníu y Suiza col nome de Lliga Internacional de Ḥoquei sobre Xelu (LIHF).

En 1910 celebróse'l primer Campeonatu Européu de Ḥoquei sobre Xelu, na llocalidá alpina de Les Avants (Suiza) cola participación de 8 seleiciones nacionales.

En 1920 nel marcu de los VII Xuegos Olímpicos en Amberes realizóse'l primer tornéu de ḥoquei sobre xelu, que tamién sirvió como primer Campeonatu Mundial de Ḥoquei sobre Xelu Masculino.

En 1954 decidió camudáse-y el nome a la LIHF al actual, Federación Internacional de Ḥoquei sobre Xelu, IIHF.

En 1990 celebróse'l primer Campeonatu Mundial de Ḥoquei sobre Xelu Femenino, en Ottawa (Canadá) , cola participación de 12 seleiciones nacionales.

Eventos

Ente los eventos competitivos más importantes que la IIHF entama regularmente atópense:

• Tornéu de ḥoquei sobre xelu nos Xuegos Olímpicos d'iviernu
• Campeonatu Mundial de Ḥoquei sobre Xelu (masculín y femenín)
• Campeonatu Mundial de Ḥoquei sobre Xelu Xuvenil (masculín y femenín)

Organización

La estructura xerárquica de la federación ta conformada pol Presidente, el Secretariu Xeneral y los Vicepresidentes, el Congresu (efectuáu cada añu), el Cuerpu Executivu y los Comités Téunicos.

Presidentes

Nᵘ	Periodu	Nome	País
1	1908 – 1912	Louis Magnus	Francia
2	1912 – 1920	Henri van den Bulcke	Bélxica
3	1920 – 1922	Max Siling	Suiza
4	1922 – 1947	Paul Loicq	Bélxica
5	1947 – 1948	Fritz Kraatz	Suiza
6	1948 – 1951	George Hardy	Canadá
7	1951 – 1954	Fritz Kraatz	Suiza
8	1954 – 1957	Walter Brown	Estaos Xuníos d'América
9	1957 – 1960	John Ahearne	Reinu Xuníu
10	1960 – 1963	Robert Lebel	Canadá
11	1963 – 1966	John Ahearne	Reinu Xuníu
12	1966 – 1969	William Thayer Tutt	Estaos Xuníos d'América
13	1969 – 1975	John Ahearne	Reinu Xuníu
14	1975 – 1994	Günther Sabetzki	Alemaña
15	1994 –	René Fasel	Suiza

Federaciones nacionales

en Colloráu: Los miembros de la IIHF,
n'azul: Miembros asociaos,
en verde: Posibles afiliaciones y
en negru: Miembros suspendíos

En 2007 la IIHF cuenta cola afiliación de 65 federaciones nacionales de los cinco continentes:

África (2)	América (5)	Asia (15)	Europa (41)	Oceanía (2)
Namibia Sudáfrica	Arxentina Brasil Canadá Estaos Xuníos Méxicu	Seleición de ḥoquei sobre xelu de China China Corea del Sur Corea del Norte Emiratos Árabes Xuníos Hong Kong Seleición de ḥoquei sobre xelu de la India India Israel Xapón Kazakstán Kuwait Macáu Malasia Singapur Tailandia Taiwán	Alemaña Andorra Armenia Austria Azerbaixán Bélxica Bielorrusia Bosnia y Herzegovina Bulgaria Croacia Dinamarca Eslovaquia Eslovenia España Estonia Finlandia Francia Grecia Hungría Irlanda Islandia Italia Letonia Liechtenstein Lituania Luxemburgu Macedonia Noruega Países Baxos Polonia Portugal Reinu Xuníu República Checa Rumanía Rusia Serbia Suecia Suiza Turquía Ucraína	Australia Nueva Zelanda

• En cursiva, miembros afiliaos

Ver tamién

• National Hockey League
• Competiciones de ḥoquei sobre xelu per país