Felicity Jones
From Wikipedia, the free encyclopedia
Remove ads
Felicity Rose Hadley Jones (17 d'ochobre de 1983, Birmingham) ye una actriz británica nomada a los Premios Globu d'Oru, los Premios de Cine de l'Academia Británica BAFTA, los Premios del Sindicatu d'Actores y los Premiu Óscar na categoría de Meyor Actriz pola so interpretación de Jane Wilde Hawking na película The Theory of Everything (2014).
.jpg)
Remove ads
Biografía
Dempués de graduase del Kings Norton Girls School, Jones asistió al King Edward VI Handsworth School, dempués d'esto tomó un añu sabáticu. Darréu estudió inglés nel Wadham College, Oxford, graduóse con un 2:1 en 2006. Mientres estudiaba inglés, apaeció nes obres d'estudiantes, incluyendo Atis na qu'interpretó'l papel principal,[5] y en 2005 en The Comedy of Errors de Shakespeare pa la xira de branu del Ouds a Xapón, protagonizada xunto a Harry Lloyd.
Remove ads
Carrera cinematográfica
En graduándose, apaeció na serie de la BBC Servants. Jones ye reconocida en televisión pol so papel antagónicu d'Ethel Hallow na serie The Worst Witch y na so posterior secuela Weirdsister College; dempués de la primer temporada de The Worst Witch, Jones foi reemplazada por Katie Allen. Cuando Weirdsister College empezó en 2001, Jones tornó como Hallow. El so papel más llargu y probablemente el más conocíu polo xeneral ta na radionovela de la BBC Radio 4 The Archers, onde interpretó a Emma Carter dende 1999 hasta'l 2009.
Tomó'l papel principal na adautación de 2007 de L'abadía de Northanger de la escritora Jane Austen pa televisión y fixo'l so debú teatral en That Fase na Royal Court Theatre n'abril de 2007. Amás, empecipió les grabaciones de la serie de la BBC L'abadía de Northanger n'ochobre de 2007.
En 2008, apaeció nes películes Brideshead Revisited (2008) y Flashbacks of a Fool (2008), nel episodiu "L'unicorniu y l'aviespa" de Dr. Who y nel reestrenu de The Chalk Garden d'Enid Bagnold nel Donmar Warehouse de Londres ente'l 5 de xunu y el 2 d'agostu de 2008. En mayu de 2009, actuó nuna llectura ensayada de Hang Up del escritor Anthony Minghella nel High Tide Festival.[6]
En 2010, Jones apaeció nes películes: SouledBoy[7] y The Tempest (La torbonada), basada nuna pieza de Shakespeare, dirixida por Julie Taymor. Tamién interpretó a Julie en Cemetery Junction.[8]y a Beth en Albatross dirixida por Niall MacCormick.[9] Felicity recibió'l premiu especial del xuráu nel Festival de Cine de Sundance 2011 pola so actuación en Like Crazy, de Drake Doremus.
Jones actuó na última entrega de The Amazing Spider-Man 2, que s'estrenó en mayu de 2014, y onde compartió pantalla con Andrew Garfield y Emma Stone. Nel mesmu añu apaeció na aclamada película The Theory of Everything, encarnando a Jane Wilde, la primer esposa del astrofísicu Stephen Hawking.
En 2016 dio vida a Jyn Erso en Rogue One: A Star Wars Story, so la direición de Gareth Edwards y compartiendo creitos colos actores Diego Luna, Mads Mikkelsen y Forest Whitaker, ente otros.
Remove ads
Filmografía completa
Cine
Televisión
Radio
- 1999 - 2009: The Archers, radionovela de la BBC Radio 4.[13] - como Emma Grundy
- 2007: That Face, Royal Court Theatre - como Mia
- 2008: The Chalk Garden , Donmar Warehouse - como Laurel
- 2010: Grand-Galop - como Veronica
Remove ads
Premios
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads