Ficus drupacea
From Wikipedia, the free encyclopedia
Remove ads
El ficus drupacea, tamién llamáu ficus mysorensis, ficus payapa o figal de Mysore, ye un árbol que pertenez a la familia de les moraceas, xéneru ficus. Ye nativu de China, India, Indochina, Nepal, Filipines y nordés d'Australia. Fora de les sos rexones d'orixe puede atopase como árbol ornamental en parques y xardinos de munchos llugares, incluyíu España, anque nun ye una especie bien avezada.
Remove ads
Descripción
Ye un árbol siempres verde con fueyes perennes y coriacees que permanecen mientres tol añu. Puede llegar a los 15 metros d'altor, nun presenta apenes raigaños aéreos a diferencia d'otres especies de ficus. La corteza tien un tonu grisaceo claru y ye de superficie llisa.
Fueyes
Les fueyes son grandes de 10 - 20 cm de llargu y 4 - 8 cm d'anchu, tienen forma ovobada o elíptica y terminen sópito nun ápiz acumináu de menos d'un cm de llargor, ente que la base ye arredondiada o subcordada. Tienen ente 12 y 15 pares de nervios prominentes sobremanera nel viesu. El peciolu mide ente 1 y 4.5 cm de llargu.
Frutu
Los frutos que se llamen siconos como en tolos ficus, dispónense solitarios o por pares nes axiles de les fueyes, non en forma de recímanos, son sesiles, ye dicir escarecen de pedúnculu que si ta presente n'otres especies. Pueden midir hasta 4.3 x 2.5 cm, son glabros y de color anaranxáu que va convirtiéndose en púrpura escuru cuando maurecen.
Remove ads
Propiedaes
Na medicina tradicional úsase como tónicu y astrinxente en diabetes, disentería y hemorraxes.[1]
Taxonomía
Foi descritu pa la ciencia pol botánicu Carl Peter Thunberg, discípulu de Linneo, na so obra Ficus genus, dissertatione botanica (1786).[2][3][4]
- Variedaes
- Variedá pubescens.[5]
- Variedá subrepanda.
Ficus: nome xenéricu que se deriva del nome dau en latin al figu.[6]
drupacea: epítetu llatín que significa "con drupa".[7]
- Ficus auranticarpa Elmer
- Ficus chrysochlamys K.Schum. & Lauterb.
- Ficus chrysocoma Blume
- Ficus citrifolia Willd.
- Ficus ellipsoidea F.Muell. ex Benth.
- Ficus gonia Buch.-Ham.
- Ficus indica L.
- Ficus mysorensis B.Heyne ex Roth
- Ficus mysorensis Roth ex Roem. & Schult.
- Ficus mysorensis var. dasycarpa (Miq.) M.F.Barrett
- Ficus mysorensis f. parvifolia Miq.
- Ficus mysorensis var. pubescens Roth ex Roem. & Schult.
- Ficus mysorensis var. subrepanda Wall. ex King
- Ficus payapa Blanco
- Ficus pilosa Reinw. ex Blume
- Ficus pilosa var. chrysocoma (Blume) King
- Ficus rupestris Buch.-Ham.
- Ficus subrepanda (Wall. ex King) King
- Ficus vidaliana Warb.
- Urostigma bicorne Miq.
- Urostigma chrysotrix Miq.
- Urostigma dasycarpum Miq.
- Urostigma drupaceum Miq.
- Urostigma mysorense Miq.
- Urostigma subcuspidatum Miq.[8]
Ver tamién
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads