Fife

Fife (en gaélicu escocés: Fìobha) ye un conceyu d'Escocia (Reinu Xuníu).^[1][2] Ta asitiáu ente'l fiordu de Tay y el de Forth y llenda colos conceyos de Perth and Kinross y Clackmannanshire. Ye'l tercer conceyu unitariu d'Escocia más pobláu concentrándose la tercer parte de la población en tres ciudaes, Kirkcaldy, Dunfermline y Glenrothes, siendo esta postrera la capital alministrativa.

Fife
Alministración
País	Reinu Xuníu
Nación constitutiva	Escocia
Tipu d'entidá	conceyu d'Escocia
Xeografía
Coordenaes	56°15′N 3°12′W
Fife Fife (Reinu Xuníu)
Superficie	1325.025 km²
Demografía
Población	373 550 hab. (2019)
Porcentaxe	6.91% de Escocia
Densidá	281,92 hab/km²
Más información
Llocalidaes hermaniaes	Albufeira
fife.gov.uk

Historia

Históricamente foi unu de los reinos pictos de la zona central d'Escocia, conocíu como Fib. Por esta razón Fife ye conocíu comúnmente como Reinu de Fife. Hasta 1975 foi unu de los condaos históricos en que taba estremada Escocia, en delles ocasiones llamáu Fifeshire. Dende 1975 hasta 1996 formó una de les rexones d'Escocia y estremada en tres distritos Dunfermline, Kirkcaldy y North-East Fife. En 1996 foi creáu'l conceyu de Fife calteniendo les mesmes fronteres.

Cultura

El llugar más conocíu de Fife ye St Andrews, enclave históricu d'importancia con un castiellu y una catedral medievales, güei en ruines, un históricu campu de golf (el Old Course de St Andrews) y una de les universidaes más importantes del Reinu Xuníu. El circuitu de Knockhill tamién s'atopa na rexón de Fife.