Forès
conceyu de la provincia de Tarragona From Wikipedia, the free encyclopedia
Remove ads
Forès ye un conceyu de la contorna catalana de la Cuenca de Barberá (Tarragona). Según datos del 2009 la población yera de 43 habitantes.
Remove ads
Historia
Foi unu de los primeros allugamientos nos que s'empecipió la repoblación tres reconquistar de les tierres a les tropes sarracenes. Foi vencíu por Ramón Berenguer I a Mir Foguet nel 1058. Más palantre pasó a depender del condáu de Urgel hasta qu'en 1086 foi cedíu a la ilesia. Mientres tol sieglu XIII foi considerada como una villa real lo que-y dexó tener representante na Cortes catalanes que y celebraron nesi sieglu. A partir de 1285 foi posesión del monesteriu de Santes Creus quien caltuvo'l señoríu hasta 1835.
Remove ads
Cultura
El pueblu desenvolvióse alredor del antiguu castiellu del que namái queden delles partes de les cimentaciones de los murios. La ilesia parroquial ta dedicada a San Miguel. Trátase d'un edificiu d'orixe románicu que foi construyíu ente los sieglos XII y XIII. Tien planta de cruz llatina con cruceru y bóveda blasonada.
Apuértase al traviés de dos puertes. Una taba destinada al accesu de les muyeres y ta asitiada a la izquierda del cruceru. Tien cuatro columnes a cada llau remataes por capiteles bastante deterioraos. El tímpanu ta esculpíu con representaciones de cruces y d'anagrames. La entrada reservada a los homes ta na fachada llateral y ye muncho más senciella. Sobre la puerta abre una pequeña ventana.
El ábside orixinal foi esaniciáu pa poder construyir la sacristía. Nel sieglu XIV añadieron un par de capiyes llaterales. El campanariu ye d'estilu barrocu y tien forma octogonal. Nel interior de la ilesia atopaba una imaxe gótica, de 1324, de la Mare de Déu de la Salut que se caltién nel muséu diocesanu de Tarragona
La fiesta mayor celébrase l'últimu sábadu d'agostu. La fiesta mayor d'iviernu tien llugar el 7 de setiembre, festividá de la Virxe de la Salú.
Remove ads
Economía
Forès convirtióse nun pueblu de veranéu. Decidióse que toles cases caltendríen una estética uniforme, utilizando la piedra natural nes fachaes, lo que da harmonía al conxuntu del conceyu.
Turismu
El conceyu destinó una zona destinada al ociu. Nesti sitiu vais poder esfrutar colos amigos, companyeros de trabayu y la família. Ta fornida con xingadorios, fonte, meses, bancos y lo meyor de too 3 barbacoes pa poner en práutica vuesos dotes culinarios. Dende esta zona, hai vistes al norte, polo qu'en díes claros vese perfectamente los Pirineos, Montserrat y el Montseny.
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads