Fran Ferri

Francesc Xavier Ferri Fayos(24 de mayu de 1984, Canals ^(es) ), tamién conocíu como Fran Ferri, ye un políticu valencianu, diputáu nes Cortes Valencianes pola Coalició Compromís.

Fran Ferri
Voceru del Grupu de Compromís nes Cortes Valencianes 2 xunetu 2015 - 17 xineru 2022 ← Mónica Oltra - Papi Robles Galindo → diputáu nes Cortes Valencianes 11 xunu 2011 - 17 xineru 2022 - Francisco Javier García Latorre → Distritu: Valencia (es) Eleiciones: eleiciones a las Cortes Valencianes de 2011, eleiciones a las Cortes Valencianes de 2015, eleiciones a las Cortes Valencianes de 2019
Vida
Nacimientu	Canals (es) , 24 de mayu de 1984 (41 años)
Nacionalidá	España
Estudios
Llingües falaes	catalán castellanu
Oficiu
Oficiu	políticu, inxenieru industrial
Miembru de	Compromís
Creencies
Partíu políticu	Bloc Nacionalista Valencià

Trayeutoria política

Ye militante del Bloc Nacionalista Valencià y foi secretariu xeneral del BLOC JOVE dende 2009 hasta 2014.^[1] Amás, tamién ye un activista polos drechos LGTB, siendo miembru del grupu coordinador del Coleutivu LGTB (LGTB) de La Safor y miembru representante de la Federación Estatal de LGTB nel Consell de la Joventut del Estáu Espanyol dende 2008 a 2010.^[2]

Nes eleiciones a les Cortes Valencianes de 2011 foi escoyíu diputáu nes llistes de la Coalició Compromís, tando na cuarta posición de la candidatura pola Circunscripción de València.^[2] Nel Grupu Parllamentariu Compromís, Ferri ye'l responsable de les comisiones d'Industria, Comerciu y Turismu, la de Polítiques d'Igualdá y de la Muyer, la de Nueves Teunoloxies y la de Peticiones.^[3]

Ferri foi reelixíu como Secretariu Xeneral del Bloc Jove nel congresu de febreru de 2012.^[4] Nel congrés de xunetu de 2014 Fran dexa'l cargu, el socesor ye Enric Castelló.^[5]

Nel procesu de primaries abiertes de Compromís pa ellaborar la llista a les Cortes nes eleiciones de 2015, Ferri convirtióse nel candidatu mas votáu na circunscripción de València.^[6]

Trayeutoria profesional

Ye Inxenieru n'Organización Industrial y compaxina la so carrera como diputáu cola d'inxenieru d'operacionse y xestión nuna empresa del sector del automóvil.^[7]