Freema Agyeman
From Wikipedia, the free encyclopedia
Remove ads
Freema Agyeman (20 de marzu de 1979, Londres) ye una actriz inglesa. Ye conocida por interpretar a Martha Jones en Doctor Who y Torchwood, a Alesha Phillips na serie Law & Order: UK y a Amanita en Sense8.
Remove ads
Biografía
Freema ye fía d'Azar, una iranina y Osei Agyeman, un ghanés. Tien una hermana mayor llamada Leila Agyeman y un hermanu menor Dominic Agyeman. Los sos padres separtáronse cuando yera pequeña.
Carrera
Nel 2004 apaeció per primer vegada na serie policiaca The Bill onde interpretó a Jenna Carter mientres l'episodiu 232, más tarde apaeció de nuevu na serie nel 2006 interprendo a Shakira Washington mientres dos episodios.
Nel 2005 apaeció na serie Silent Witness onde interpretó a Mary Ogden, una oficial de la escena del crime.
Nel 2007 xunióse al repartu de la serie de ciencia ficción Doctor Who onde interpretó a Martha Jones, l'acompañante del Doctor nos sos viaxes mientres la tercer temporada moderna. Enantes apaeció per primer vegada na serie nel 2006 onde interpretó a Adeola Oshodi mientres l'episodiu Army of Ghosts. Los productores tuvieron tan encantaos cola so actuación que decidieron da-y el papel de Martha, desplicando l'oldéu faciéndola prima d'Adeola, que morrió mientres aquel episodiu.[3]
Ente'l 2007 y el 2009 Freema lleó cinco hestories pa les adautaciones de llibru de Doctor Who New Series Adventures Novels ente elles "The Last Dodo", "Wetworld", "The Pirate Loop", "Martha in the Mirror" y "The Story of Martha".
Nel 2008 apaeció como convidada en dos episodios de la serie Survivors onde interpretó a Jenny Walsh, una moza qu'intenta salvar a la so compañera de casa, sicasí'l so personaxe foi asesináu.[4] Esi mesmu añu apaeció na miniserie Little Dorrit onde interpretó a Tattycoram. Na serie trabayó con Claire Foy, Bill Paterson, Andy Serkis, Matthew Macfadyen, Janine Duvitski y Georgia King.[5] Esi mesmu añu interpretó de nuevu a Martha Jones en dellos episodios de la segunda temporada de la serie Torchwood, tornó a Doctor Who par trés episodios de la cuarta temporada, y apaeció nun crossover ente Doctor Who y los sos dos spin-offs, Torchwood y The Sarah Jane Adventures que tomó los dos últimos episodios de la cuarta temporada.
Nel 2009 xunióse al repartu principal de la serie británica Law & Order: UK onde interpretó a l'asistente de fiscal Alesha Phillips, hasta'l final de la sesta temporada. En 2010 fadría la so última apaición como Martha Jones en Doctor Who apaeciendo a la fin de la segunda parte del miniserial The End of Time, el 1 de xineru de 2010.
En marzu del 2012 anuncióse que Freema trabayaría na nueva serie The Carrie Diaries onde interpretó a Larissa Loughton, la mentora de la moza Carrie Bradshaw (AnnaSophia Robb) dende l'estrenu de la serie nel 2013 hasta la cancelación de la serie nel 2014. La serie foi la precuela de la esitosa serie Sex and the City onde Carrie ye interpretada por Sarah Jessica Parker.[6][7][8]
Nel 2014 anuncióse que se xuniera al repartu de la nueva serie Sense8.[9]
En 2018, Freema convirtióse en miembru del repartu de la serie de médicos de la NBC "New Amsterdam", interpretando el papel de la Dra. Helen Sharpe. La seria inspiróse nes memories Doce pacientes: vida y muerte nel hospital Bellevue del doctor Eric Manheimer y adautóse pa televisión pol guionista y productor David Schulner[10].
Remove ads
Filmografía
Series de televisión
Películes
Apaiciones
Teatru
Premios y nominaciones
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads