Fuente Encalada
From Wikipedia, the free encyclopedia
Remove ads
Fuente Encalada ye un conceyu y llocalidá española de la contorna de Benavente y Los Valles, na provincia de Zamora.[4]
El conceyu s'en atopa asitiáu na contorna de Benavente y Los Valles, al norte de la provincia de Zamora. Cuenta con un términu municipal de 20,86 km² y, según datos del padrón municipal 2017 del INE, cuenta con una población de 112 habitantes.
Remove ads
Símbolos

El plenu del conceyu de Fuente Encalada, en sesión celebrada'l 22 de xunu de 2006, aprobó l'escudu heráldicu y bandera municipal, cola siguiente descripción:[5]
«Escudu Heráldicu.– Escudu Cortáu. 1ᵘ En campu de gules, fonte qu'esquita d'unes peñes de plata. 2ᵘ En campu de plata, ilesia de gules mazonada de sable y esclariada de plata. Al timbre corona real zarrada».
«Bandera Municipal.– Bandera rectangular de proporciones 2:3, formada por un pañu blancu con una franxa colorada diagonal del ángulu inferior del estil al superior de la batiente, de 1/3 del anchu, acompañada d'una cruz griega colorada nel triángulu del estil y un recímanu d'uves verde nel de la batiente.»
Remove ads
Allugamientu
El conceyu asítiase na zona norte de la provincia de Zamora, dientro de la contorna de Benavente y Los Valles. Pertenez a la zona eleutoral de Benavente y al partíu xudicial de Benavente.
Historia
Na Edá Media, el territoriu nel que s'asitia la llocalidá quedó integráu nel Reinu de Lleón,[6] que los sos monarques entamaríen la fundación del pueblu.
Darréu, na Edá Moderna, Fuente Encalada foi una de les llocalidaes que s'integraron na provincia de les Tierres del Conde de Benavente y dientro d'esta na Merindad de Vidriales y la receptoría de Benavente.[7]
Sicasí, al reestructurase les provincies y crease les actuales en 1833, la llocalidá pasó a formar parte de la provincia de Zamora, dientro de la Rexón Lleonesa,[8] quedando integrada en 1834 nel partíu xudicial de Benavente.[9]
Patrimoniu
Del caserío que conforma'l so cascu urbanu, destaca la so ilesia, con una peculiar antoxana renacentista nel que les sos columnes con capiteles sofiten una magnífica armadura morisca. Tamién destaca la so portada, decorada con medallones, y la puerta, en que los sos cuarterones pueden trate a los cuatro evanxelistes, los apóstoles y una Anunciación. Nel interior de la ilesia destaca'l so retablu mayor, obra de Bartolomé Hernández, discípulu de Gaspar Becerra.[10]
Remove ads
Demografía
Gráfica d'evolución demográfica de Fuente Encalada ente 1900 y 2017 |
![]() |
Fonte: Institutu Nacional d'Estadística d'España - Ellaboración gráfica por Wikipedia. |
Fiestes
Celebra les fiestes de la Virxe de la Encalada, la primer selmana d'agostu. Ye unu de los pocos pueblos de la contorna nos qu'entá se caltién la celebración de la puesta del mayu.
Referencies
Wikiwand - on
Seamless Wikipedia browsing. On steroids.
Remove ads