Fuentealbilla

Fuentealbilla ye un conceyu español asitiáu al sureste de la península ibérica, na provincia d'Albacete, dientro de la comunidá autónoma de Castiella-La Mancha. Ta allugáu na parte central de la contorna de La Manchuela. Llenda colos conceyos de Golosalvo, Mahora, Valdeganga, Jorquera, Abengibre, Alcalá del Júcar, Casas-Ibáñez, Villamalea y Cenizate.

Fuentealbilla
Alministración
País	España
Autonomía	Castiella-La Mancha
Provincia	provincia d'Albacete
Tipu d'entidá	conceyu d'España
Alcalde de Fuentealbilla (es)	Ángel Salmerón Garrido
Nome oficial	Fuentealbilla (es)[1]
Códigu postal	02260
Xeografía
Coordenaes	39°16′00″N 1°32′57″W
Fuentealbilla Fuentealbilla (España)
Superficie	108.29 km²
Altitú	660 m
Llenda con	Abengibre, Casas-Ibáñez, Alcalá del Júcar, Jorquera, Valdeganga, Mahora, Golosalvo, Cenizate y Villamalea
Demografía
Población	1799 hab. (2024) - 914 homes (2019) - 878 muyeres (2019)
Porcentaxe	0.46% de provincia d'Albacete
Densidá	16,61 hab/km²
Más información
Estaya horaria	UTC+01:00 (horariu estándar)[2] UTC+02:00 (horariu de branu)[2]
fuentealbilla.es

El conceyu fuentealbillense entiende los nucleos de población de Fuentealbilla —capital municipal—, Bormate y Campoalbillo. Ye'l llugar de nacencia del futbolista español Andrés Iniesta.

Demografía

Según l'Institutu Nacional d'Estadística, en 2017 Fuentealbilla cuntaba con 1.843 habitantes censaos.^[3]

Evolución de la población

Gráfica d'evolución demográfica de Fuentealbilla ente 1900 y 2017

Datos según el nomenclátor publicáu pol INE.

Alministración

Los resultaos de les eleiciones municipales celebraes en mayu de 2015, fueron:

Eleiciones Municipales - Fuentealbilla (2015)
Partíu políticu	Votos	%Válidos	Conceyales
Partíu Popular (PP)	600	50,13%	5
Partíu Socialista Obreru Español (PSOE)	564	47,12%	4

Patrimoniu

La llamada Fonte Grande ye una cisterna romana.

Fueron famoses les sos salines, esplotaes dende la dómina romana y que funcionaron hasta la década de 1990. De la dómina romana caltiénse una cisterna del sieglu III d. C.

En 2008 foi topada la figura, tallada en piedra, d'una cabeza humana de la dómina romana, atopada por un llabrador que s'atopaba llabrando les sos tierres. En cumplimientu de la Llei de Patrimoniu foi apurrida al Muséu Arqueolóxicu d'Albacete, onde foi llimpiada y empezáronse los estudios pa determinar la so antigüedá, anque s'envalora que foi tallada nel sieglu III.^[4]

Persones destacaes

• Andrés Iniesta (1984), futbolista del F.C. Barcelona y de la Seleición Española de Fútbol, autor del gol que dio la victoria a España na final de la Copa Mundial de Fútbol de 2010.
• Philippe Monteagudo (París, 29 d'avientu de 1936/ Fuentealbilla (Albacete), 14 de xunetu de 2016) foi un pintor francés afincáu en Fuentealbilla.