Fuentesecas

Fuentesecas ye un conceyu y llocalidá española de la provincia de Zamora, na comunidá autónoma de Castiella y Lleón.

Fuentesecas
Alministración
País	España
Autonomía	Castiella y Lleón
Provincia	provincia de Zamora
Tipu d'entidá	conceyu d'España
Alcalde de Fuentesecas (es)	Víctor Manuel de la Iglesia Rodrigo
Nome oficial	Fuentesecas (es)[1]
Códigu postal	49833
Xeografía
Coordenaes	41°37′50″N 5°28′21″W
Fuentesecas Fuentesecas (España)
Superficie	14.61 km²
Altitú	788 m[2]
Llenda con	Villalube, Malva (es) , Abezames, Pozoantiguo y Matilla la Seca
Demografía
Población	44 hab. (2024) - 24 homes (2020) - 21 muyeres (2020)
Porcentaxe	0.03% de provincia de Zamora
Densidá	3,01 hab/km²
Más información
Estaya horaria	UTC+01:00 (horariu estándar)[3] UTC+02:00 (horariu de branu)[3]
fuentesecas.sedelectronica.es

Xeografía

Forma parte del Alfoz de Toro, atopándose asitiada a 14 km de Toro y 32 km de Zamora. El so términu cunta con una superficie de 14,6 km², nel que predomina un paisaxe de tierres de cultivu de cebera, chiscáu de cuetos arrondaos y nel qu'apenes s'acolumbren árboles. El cascu urbanu asítiase nun cuetu, nel que predomina l'arquiteutura del tapial.

Historia

Como'l restu d'alfoz toresano, mientres la Edá Media Fuentesecas quedó integráu nel Reinu de Lleón, que los sos monarques acometeríen la repoblación de la llocalidá dientro del procesu repoblador lleváu a cabu na xurisdicción toresana.

Yá na Edá Moderna, Fuentesecas tuvo integráu na provincia de Toro,^[4] dependiendo dende la Edá Media del arciprestalgu toresano,^[5] siendo dende les Cortes lleoneses de 1188 una de les llocalidaes representaes pela ciudá de Toro en Cortes.

Sicasí, al reestructurase les provincies y crease les actuales en 1833, la llocalidá pasó a formar parte de la provincia de Zamora, dientro de la Rexón Lleonesa,^[6] integrándose en 1834 nel Partíu Xudicial de Toro.^[7]

Patrimoniu

Cunta con una ilesia de grandes dimensiones, asitiada nuna zona elevada dende la que ye fácil tener una bona panorámica del so territoriu circundante, y una ermita moderna.

Demografía

Esta llocalidá cunta en 2017 con una población de 51 habitantes y una densidá de 3,49 hab./km².^[8]

Evolución demográfica de Fuentesecas

1991	1996	2001	2004	2017
106	92	85	86	51
(Fonte: [ensin referencies])

Gráfica d'evolución demográfica de Fuentesecas ente 1900 y 2017

Fonte: Institutu Nacional d'Estadística d'España - Ellaboración gráfica por Wikipedia.

Fuentesinos pernomaos

• Pablo Morillo y Morillo (1775-1837), militar y marín que llegó a ostentar los títulos d'I conde de Cartaxena y el d'I marqués de La Puerta. Mientres la so etapa na Armada Española participó en distintos combates, ente los que destaquen les batalles del Cabu de San Vicente y Trafalgar. Tamién ye conocíu pola so participación nes guerres d'independencia de Venezuela y Colombia como Xefe de la Espedición encargada d'encalorar la rebelión. Menos conocida, pero tamién destacable, foi la so participación na Guerra de la Independencia Española en batalles tan decisives como la de Bailén (la primer derrota napoleónica) y la de Vitoria (que forzó la retirada de les tropes franceses d'España) o na de Puentesampayo, onde foi l'encargáu de dirixir al exércitu que ganó al Mariscal Ney y obligó al exércitu francés a sacupar Galicia.