Gary Sinise

Gary Alan Sinise (17 de marzu de 1955, Blue Island ^(en) ) ye un actor y direutor d'Estaos Xuníos. A lo llargo de la so carrera, Sinise ganó un premiu Emmy y un Globu d'Oru, y foi nomáu a la Palma d'Oru y al Óscar. En 1992 dirixó ya interpretó un papel na adautación de De mures y homes. Foi nomáu al Óscar como meyor actor de repartu en 1994 pol so papel como'l teniente Dan Taylor en Forrest Gump. Ganó'l Globu d'Oru como meyor actor nun telefilme pol so papel en Truman. En 1996 interpretó a un oficial de policía corruptu nel drama Rescate de Ron Howard. En 1998 ganó l'Emmy al meyor actor nun telefilme por George Wallace, onde interpretó a George Wallace, el gobernador d'Alabama.

Gary Sinise
Vida
Nacimientu	Blue Island (en) , 17 de marzu de 1955[1] (70 años)
Nacionalidá	Estaos Xuníos
Llingua materna	inglés
Familia
Casáu con	Moira Harris (1981 – )
Fíos/es	3
Estudios
Estudios	Universidá del Estáu d'Illinois
Llingües falaes	inglés
Oficiu
Oficiu	actor de cine, actor de televisión, actor de teatru
Llugares de trabayu	Estaos Xuníos
Premios	ver Medaya Presidencial de los ciudadanos Estrella del Paséu de la Fama de Hollywood Drama League Award James Cardinal Gibbons Medal Globu d'Oru al meyor actor de miniserie o telefilme  (1996) : Truman (en) Primetime Emmy Award for Outstanding Lead Actor in a Miniseries or a Movie  (1998) : George Wallace
Nominaciones	ver Premiu Tony al meyor actor de repartu nuna obra de teatru (1990) Óscar al meyor actor de repartu (14 febreru 1995): Forrest Gump Tony Award for Best Direction of a Play (en) (1996) Premiu Tony al meyor actor d'una obra de teatru (2001)
Instrumentu musical	guitarra baxu guitarra
Creencies
Relixón	catolicismu
Partíu políticu	Partíu Republicanu de los Estaos Xuníos
IMDb	nm0000641
garysinise.com

Primeros años

Sinise nació en Blue Island, Illinois, fíu de Millie Alsip y el montador de cine Robert L. Sinise.^[2][3][4] Parte de la so ascendencia ye italiana.^[5] Asistió a la Secundaria Highland Park, d'Illinois, y siguió estudiando na Universidá estatal d'Illinois. En 1974, Sinise y dos amigos, Terry Kinney y Jeff Perry, fundaron la Compañía de teatru Steppenwolf.^[6] Dende la so fundación, Steppenwolf exhibió'l talentu d'actores como Joan Allen, Kevin Anderson, Gary Cole, Ethan Hawke, Glenne Headly, John Mahoney, John Malkovich, Laurie Metcalf, Martha Plimpton, Jim True-Frost y William Petersen. En Steppenwolf, Sinise desenvolvió les sos habilidaes como actor y direutor, y trabayó en más de trenta producciones.

Carrera

Sinise nel set de filmación de Forrest Gump en 1994

En 1982, la carrera de Sinise empezó a tener ésitu cuando dirixó y protagonizó la obra True West, producida nel teatru Steppenwolf. En 1983, ganó un premiu Obie pol so trabayu como direutor y un añu más tarde trabayó con John Malkovich nuna producción de la PBS de la mesma obra. En 1988 dirixó Miles from Home, una película protagonizada por Richard Gere alrodiu de la llucha de dos hermanos contra'l zarru de la granxa familiar. Darréu, Sinise trabayó en delles películes, ente elles Forrest Gump, Of Mice and Men (la cual tamién dirixó), Apollo 13, Reindeer Games, Snake Eyes, Ransom, Misión a Marte, Apocalipsis, Infiltrado y The Green Mile. Amás grabó un audiollibru de Travels with Charley: In Search of America y de De mures y homes, del autor John Steinbeck.

Gary Sinise tocando'l baxu en Lt. Dan Band (2008)

En 2004 empezó a actuar na so primer serie como miembru regular, en CSI: NY, onde interpretó al detective Mac Taylor. Foi acreditáu como productor dende la segunda temporada y amás escribió la trama d'un episodiu. Dellos episodios dexáronlu a Sinise demostrar les sos habilidaes como músicu, como na segunda temporada cuando Mac Taylor toca'l baxu nun club de jazz xunto a los músicos Kimo, Carol Williams y Danny Gottlieb, miembros de la Lt. Dan Band, fundada por Sinise y Kimo Williams nel añu 2003. El nome de la banda surdió pol personaxe de Sinise en Forrest Gump.

Sinise foi premiáu cola Presidential Citizen Medal por George W. Bush por cuenta del so llabor de sofitu a les tropes estauxunidenses y pol trabayu humanitariu en sofitu de los neños iraquinos.^[7] A finales de 2008 narró "Army and Army Reserve Army Strong", un comercial de reclutamiento.^[8] Sinise ye unu de los productores executivos de Brothers at War (2009), un documental sobre la Guerra d'Iraq.^[9] El documental amuesa una familia militar americana y les esperiencies de tres hermanos: Jake, Isaac y Joseph Rademacher.^[10]

Vida privada

Sinise ta casáu cola actriz Moira Harris dende 1981, tienen tres fíos: Sophia Ana (n. 1988), McCanna Anthony (n. 1990) y Ella Jane (n. 1992). En 2003 foi premiáu con un Doctoráu Honoris Causa pol Amherst College.^[11] Ye católicu conversu. Dedicó enforma tiempu al Muséu Nacional d'Arte de los Veteranos de Vietnam, agora llamáu National Veterans Art Museum.

Filmografía

• Criminal Minds: Beyond Borders (2015)
• Criminal Minds (2015)
• CSI: NY (2004)
• The Forgotten (2004)
• The Big Bounce (2004)
• The Human Stain (2003)
• Infiltrado (2001)
• Reindeer Games (2000)
• The Green Mile (1999)
• Glories del pasáu (1999)
• Misión a Marte (1999)
• Snake Eyes (1998)
• La trampa del caimán (1996)
• Rescate (1996)
• The Quick and the Dead (1995)
• Apollo 13 (1995)
• Forrest Gump (1994)
• Apocalipsis (1994)
• Jack the Bear (1993)
• De mures y homes o La fuercia bruto (1992)
• Miles from Home (1990)
• El mio nome ye Bill W. (1989)

Premios

Óscar

Añu	Categoría	Película	Resultáu
1994	Meyor actor de repartu	Forrest Gump	Candidatu

Globu d'Oru

Añu	Categoría	Película	Resultáu
1994	Meyor actor de repartu	Forrest Gump	Candidatu

Premios del Sindicatu d'Actores

Añu	Categoría	Película	Resultáu
1994	Meyor repartu	Forrest Gump	Candidatu
1994	Meyor actor de repartu	Forrest Gump	Candidatu
1994	Meyor actor de repartu	Apocalipsis	Candidatu