Gianni Infantino

Giovanni Vincenzo Infantino (23 de marzu de 1970, Brig-Glis ^(es) ) ye un abogáu suizu d'ascendencia italiana, que dende'l 26 de febreru de 2016 desempéñase como presidente de la FIFA.^[4][5] Foi'l Secretariu xeneral de la UEFA dende 2009 hasta 2016.

Gianni Infantino
member of the International Olympic Committee (en) 2020 - presidente de la FIFA (es) 26 febreru 2016 - ← Joseph Blatter UEFA General Secretary (en) ochobre 2009 - marzu 2016 ← David Taylor - Theodore Theodoridis →
Vida
Nacimientu	Brig-Glis (es) , 23 de marzu de 1970 (55 años)
Nacionalidá	Suiza Italia
Llingua materna	alemán de Suiza italianu francés
Fíos/es	4
Estudios
Estudios	Universität Freiburg : xurisprudencia Universidá de Neuchâtel
Llingües falaes	alemán de Suiza italianu francés inglés[1] castellanu[2] portugués[2] árabe[2]
Oficiu
Oficiu	funcionariu deportivu, xurista, abogáu, políticu
Trayeutoria
Participante FII 6th Edition in Riyadh (en) Xunta Añal del Foru Económicu Mundial 2022 Global Conference 2022 (en)
Premios	ver Orden del Níger Orden de Merito Orde del Cóndor de los Andes Orde de l'Amistá  : Vladimir Putin  (2019) [3]
Miembru de	Comité Olímpicu Internacional
IMDb	nm7818810

El 26 d'ochobre de 2015, recibió'l plenu respaldu del Comité Executivu d'UEFA a la so candidatura a la Presidencia de la FIFA nel Congresu estraordinariu de la FIFA, a celebrase en febreru de 2016.^[6] El mesmu día confirmó la so candidatura al presentar les declaraciones de sofitu.^[7]

Biografía

Ye fíu d'italianos y tien les nacionalidaes suiza ya italiana. Estudió derechu na Universidá de Friburgu (Suiza) y fala italianu, francés, alemán, inglés, castellán, árabe y portugués de forma fluyida. Ta casáu con una libanesa y tien cuatro fíos.

Antes d'entrar na UEFA, trabayó como Secretariu Xeneral del Centru Internacional d'Estudios Deportivos (CIES) na Universidá de Neuchâtel y primeramente fuera asesor de diversos organismos de fútbol n'Italia, España y Suiza.

Presidente de la FIFA

Gianni Infantino confirmó la so decisión a presentase a la Presidencia de la FIFA'l 26 d'ochobre de 2015, tres el respaldu unánime del Comité Executivu de la UEFA'l mesmu día. Él tuvo que presentar les declaraciones de sofitu.^[8]

El 26 de febreru de 2016, Infantino foi escoyíu presidente de la FIFA nun Congresu estraordinariu celebráu en Zúrich. Tres una apostada primer votación, consiguió una amplia mayoría na segunda vuelta al consiguir 115 votos de los 207 posibles (representando un 55,55%), superando al Salman Al Jalifa, que llogró 88 votos. En tantu, Ali bin al Hussein de Xordania y Jérôme Champagne nun superaron los votos llograos na primer vuelta de la votación. Finalmente, fueron solu cuatro los candidatos, una y bones el sudafricano Tokyo Sexwale baxó la so candidatura previu al empiezu del escrutiniu.^[9]

Candidatu	1º vuelta	2º vuelta	Resultáu
Gianni Infantino	88 (42,51%)	115 (55,55%)	Electu presidente
Salman bin Ibrahim Al Jalifa	85 (41,06%)	88 (42,51%)	—
Ali bin al Hussein de Xordania	27 (13,04%)	4 (01,93%)	—
Jérôme Champagne	7 (03,38%)	0 (00,00%)	—
Tokyo Sexwale	—	—	Retirada de candidatura