GoPro

GoPro, Inc. (enantes Woodman Labs, Inc.) ye una compañía^[1] d'Estaos Xuníos d'América que desendolca, produz y viende cámares personales d'alta definición, emplegaes en grabaciones y toma de fotografíes de deportes estremos. Son cámares d'aición, compautes, llixeres, resistentes, y que pueden asitiase en vehículos, manillares, cascos, muñeques y otros soportes. Saquen semeyes y graben videos n'alta definición al traviés d'un oxetivu gran angular. Tamién pueden configurase pa funcionar de forma automática con una mínima intervención, o pa ser remanaes de forma remota.

GoPro
marca rexistrada, negociu y empresa de capital abiertu
Llocalización
Sede	San Mateo
Direición	Estaos Xuníos
Forma xurídica	sociedad de Delaware (es)
Historia
Fundación	2002
Fundador	Nick Woodman
Eslogan	Be a Hero (en)
Organigrama
Direutor executivu	Nick Woodman (2002)
Sector
Industria	fotografía industria eléctrica (es)
Productos destacaos	cámara dixital
Forma parte de	ver Wi-Fi Alliance
Datos económicos
Parte de	NASDAQ GPRO (dende 2014)
Emplegaos	963 (30 setiembre 2014)
Web oficial

Cámara GoPro Hero 4.

La empresa foi fundada en 2002 por Nick Woodman y tien la so sede en San Mateo (California). En mayu de 2014 fizo la so salida a bolsa, cotizando nel NASDAQ dende entós.^[2]

Competencia

L'arranque en bolsa de GoPro, el fabricante de cámares d'aición, foi acandilante. N'apenes trés meses revalorizóse un 145%. Les sos cifres y la so marca espertaron l'interés de munchos inversores. Pero la so 'esplosión' nun torgó que munchos señalaren un riesgu evidente: el surdimientu de dura competencia.^[3]

Empreses con llarga trayeutoria en cámares de videu como la Sony cola so ActionCam o en fotografía como la Rollei amás de la aparacion de marques chines como la Sjcam col so diversu catálogu de cámares d'aición con distintes prestaciones o la Yi 2 Xeneración ente otres munches surdíes apocayá dende'l país asiáticu, suponen un dignu contrincante a vencer.^[4][5]