Golpejas
From Wikipedia, the free encyclopedia
Remove ads
Golpejas ye un conceyu y llocalidá española de la provincia de Salamanca, na comunidá autónoma de Castiella y Lleón. Intégrase dientro de la contorna de la Tierra de Ledesma. Pertenez al partíu xudicial de Salamanca y a la Mancomunidá Contorna de Ledesma.[4][5]
El so términu municipal ta formáu por un solu nucleu de población, ocupa una superficie total de 11,79 km² y según los datos demográficos recoyíos nel padrón municipal ellaboráu pol INE nel añu 2017, cuenta con una población de 154 habitantes.
Remove ads
Etimoloxía
En siendo repobláu polos reis lleoneses tomó'l nome de Golpeyas de la Torre, col qu'apaez recoyíu nel fueru dau a Ledesma pol rei Fernandu II de Lleón nel añu 1161,[6] denominación que se repite nel sieglu XIII cola grafía "Golpeias de la Torre",[7] y del que deriva l'actual nome: Golpejas.
Historia
La fundación de Golpejas remontar a la Edá Media, obedeciendo a les repoblaciones efectuaes polos reis lleoneses na Alta Edá Media, quedando encuadrada la llocalidá na xurisdicción de Ledesma dende la creación del so alfoz per parte de Fernandu II de Lleón nel sieglu XII, según nel so arcedianáu.[8] Cola creación de les actuales provincies en 1833, Golpejas quedó integráu na provincia de Salamanca, dientro de la Rexón Lleonesa.[9] Nel sieglu XX tuvieron cierta pujanza les sos mines d'estañu, cerraes en 1988.
Remove ads
Símbolos
Escudu
Escudu cortáu, asitiando nel cuartel cimeru una zorrilla de sable, mirando a la derecha (esquierda según contémplase) en posición posante y sobre campu de plata. Nel segundu, o cuartel inferior, terciáu en mantel de plata, primeru y segundu d'oru, con un palu de gules, respeutivamente, y el mantel de plata con un dragón de sinople. Timbrado de la Corona Real Española.
Demografía
| Gráfica d'evolución demográfica de Golpejas ente 1900 y 2017 |
 |
| Fonte Institutu Nacional d'Estadística d'España - Ellaboración gráfica por Wikipedia. |
Monumentos y llugares d'interés
- Ilesia parroquial de San Nicolás de Bari, data del Sieglu XVIII, siendo alzada de resultes del esbarrumbamientu de la ilesia románica esistente hasta entós. Esti edificiu relixosu consta d'una planta rectangular d'una sola nave; a la qu'años más tarde se -y añader una capiya. Nel interior del templu resáltase una bóveda de crucería y dos columnes romániques, una d'elles sostién el púlpitu y la otra sofita a la tribuna. Tamién nel so interior atopa un retablu barrocu que recueye la figura del patrón de la Ilesia.
- Peña de la Mora, a pocos metros del conceyu atopa un arrogante paraxa nel que pueden contemplase encines y carbayos; tien fama esti llugar por cuenta de una lleenda que fai referencia a la Peña de la Mora”; en dicha elevación esiste una cueva y según cunten una bella mora vivió y que cautiva diba toles mañanes a peñase nes agües del regueru que pasa xunto a a la cueva.
- Cañu de San Miguel.
Remove ads
Cultura
Les fiestes de Golpejas tienen llugar el 24 d'agostu, n'honor a San Bartolomé, patrón de la llocalidá.
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads