Groupe PSA
From Wikipedia, the free encyclopedia
Remove ads
Grupu PSA (del francés Groupe PSA), enantes PSA Peugeot-Citroën, ye una empresa francesa fabricante d'automóviles formada pola fusión de dos empreses: Peugeot y Citroën. Arriendes tamién ye dueña de la marca DS Automobiles, una dixebra de Citroën. En 2017 zarró un alcuerdu col fabricante d'Estaos Xuníos General Motors p'adquirir el so grupu européu, qu'incluyía les robles Opel y Vauxhall.[1]
Polo xeneral, esta fusión qu'anició'l grupu tamién ye entendida como l'absorción de Citroën per parte de Peugeot. Estes dos marques son les úniques que quedaron colos activos de PSA, teniendo en cuenta l'anterior presencia d'otres marques como la francesa Simca y la inglesa Talbot. Coles mesmes, foi formada una tercer marca que foi bautizada como DS Automobiles, que foi creada por cuenta de Citroën usando la llinia de modelos DS. Esta tercer marca comercializa automóviles de calter deportivu con equipamientu de luxu, siempres basáu na mecánica del grupu.
Esti grupu ye'l segundu mayor fabricante d'automóviles d'Europa, col 15,4% del mercáu d'esti continente. Peugeot S.A. fundóse en 1965 pa formar el holding del grupu automovilísticu del mesmu nome al que tresfierse la Société des Automobiles Peugeot. Enantes formaron parte del grupu PSA les sumíes marques Simca y Talbot que finalmente foron absorbíes.
La nacencia del grupu PSA Peugeot-Citroën tien llugar en 1976, cuando Peugeot SA per aciu d'un procesu d'absorción lleva a cabu una integración con Citroën SA.
Nel esterior cuenta con plantes de producción tantu en China, Arxentina, España y Brasil.
El 5 d'abril de 2016, PSA Peugeot-Citroën, pasó a denomase Grupu PSA.
El 6 de marzu de 2017 alcuerden con General Motors la compra de les sos marques europees Opel y Vauxhal por 1300 millones d'euros y 900 por GM Financial. Esta operación tuvo de ser aprobada por organismos europeos. Al faese efectiva'l 28 d'agostu de 2017 el grupu convirtióse nel segundu mayor fabricante d'automóviles d'Europa, por detrás de Volkswagen.[1]
Remove ads
Ventes
En 2006, PSA Peugeot Citroën comercializó 3,36 millones de vehículos en tol mundu, equivalente a una cuota de mercáu del 5,2%. PSA Peugeot-Citroën, 3er fabricante d'automóviles n'Europa, sigui creciendo fuera del vieyu continente (especialmente n'América Llatina y en China), con 1.069.000 vehículos vendíos nel restu del mundu, lo que representa'l 32% de les sos ventes globales.[2]
Énte la cayida de ventes en 2011 por cuenta de la Crisis económica de 2008-2012, PSA y Opel, desenvolvieron y construyeron vehículos de forma conxunta n'Europa p'aforrar costos.[3]
Fábriques del grupu PSA
De siguío amuésase la presencia del Grupu PSA nel mundu:[4]
.JPG)
.svg){kind=small}
Otros intereses
Arriendes de l'actividá automotriz, el Grupu tamién cunta con:
- un fabricante d'equipos, Faurecia, líder européu y númberu 2 mundial na mayoría de les sos especializaciones (asientos, tubos d'escape, paneles de control, etc.)
- Peugeot Citroën Moteurs (PCM) pa la venta de motores y caxes de cambéu a veceros esteriores al Grupu
- y Process Conception Ingénierie (PCI) pal diseñu y la realización d'equipos industriales pal Grupu ente otros constructores mundiales
- Sociedaes de financiamientu aconceyaes por Banque PSA Finance
- Gefco, empresa de tresporte y loxística, segunda nel so campu en Francia
- Peugeot Motocycles (scooters y ciclomotores de 50 a 500 cm3), tercer constructor européu
Vehículos llétricos
PSA amosó'l PSA Velv, siendo l'apueste de vehículu llétricu urbanu con series posibilidaes de materializase nun productu comercial énte'l boom de microcoches llétricos. La so comparanza col Renault Twizy ye ineludible compartiendo conceutu y oxetivos, pero ufiertando un mayor espaciu interior y esterior y optando por un esquema que pretende asemeyar un triciclu emplegando dos ruedes traseres solidaries a una exa con una distancia tresversal ente dambes bien amenorgada. El so llargor ye de 2,81 metros, refundia un pesu de 700 kilogramos y puede tresportar a un máximu de 3 pasaxeros. La propulsión ye llétrica sobre'l tren delanteru ufiertando una potencia nominal de 20 kW, con picos de 30 kW que dexen algamar una velocidá máxima de 110 km/h. El so acumulador ye d'Iones de Litiu y ufierta capacidá pa un total de 8,5 kWh, y con una carga completa envalórase-y una autonomía máxima de 100 quilómetros.[13][14]
El grupu PSA y BMW desenvuelven de forma conxunta componentes pa vehículos híbridos y llétricos pa los sos futuros modelos. Esti alcuerdu foi oficializáu por dambes compañíes, reforzando asina l'alcuerdu que caltienen dende hai yá nueve años en diversos ámbitos de l'automoción. L'alcuerdu concretóse na fundación de bpce, una joint venture que tamién va producir los componentes en Mulhouse (Francia), ente que'l desendolcu de los mesmos va llevase a cabu en Múnich.[15]
Recompenses
_–_Frontansicht,_14._September_2013,_Frankfurt.jpg)
.jpg)
,_4._Juni_2011,_Wülfrath.jpg)
Coche del añu nos Estaos Xuníos d'América
- 1972 - Citroën SM Motor Trend Car of the Year
Coche del Añu n'Europa
- 1969 – Peugeot 504
- 1971 – Citroën GS
- 1975 – Citroën CX
- 1988 – Peugeot 405
- 1990 – Citroën XM
- 2002 – Peugeot 307
- 2014 – Peugeot 308
Dellos modelos tamién se clasifiquen segundu o terceru na votación.
- 1971 – Citroën SM
- 1980 – Peugeot 505
- 1984 – Peugeot 205
- 1988 – Citroën AX
- 1992 – Citroën ZX
- 1994 – Citroën Xantia
- 1996 – Peugeot 406
- 1999 – Peugeot 206
- 2003 – Citroën C3
- 2005 – Citroën C4
- 2007 – Citroën C4 Picasso
Coche del Añu n'España
Eleición d'un xuráu compuestu por 35 periodistes especializaos del motor.
- 1974 – Citroën GS
- 1977 – Citroën CX
- 1981 – Talbot Horizon
- 1984 – Citroën BX
- 1985 – Peugeot 205
- 1988 – Citroën AX
- 1992 – Citroën ZX
- 1994 – Citroën Xantia*
- 1999 – Peugeot 206
- 2002 – Peugeot 307
- 2003 – Citroën C3
- 2004 – Citroën C2
- 2005 – Peugeot 407
- 2006 – Peugeot 1007
- 2007 – Peugeot 207
- 2009 – Citroën C5
- 2012 – Peugeot 508
- 2013 – Peugeot 208
- 2014 - Peugeot 2008
- 2015 – Citroën C4 Cactus[16]
(*): El Renault Twingo foi escoyíu como ganador del troféu en 1994
Coche del Añu n'Italia 'Auto Europa'
- 1990 – Citroën XM
- 1992 – Citroën ZX
- 1994 – Citroën Xantia
- 2001 – Citroën Xsara Picasso
- 2002 – Citroën C5
- 2003 – Citroën C3
- 2005 – Citroën C4
- 2007 – Peugeot 207
- 2010 – Peugeot 3008
- 2012 – Citroën DS4
- 2013 – Peugeot 208
- 2014 – Peugeot 2008[17]
- 2015 – Peugeot 308[18]
Coche del Añu n'Irlanda
- 1997 – Peugeot 406
- 1998 – Citroën Xsara
- 2009 – Citroën C5
- 2010 – Peugeot 3008
- 2014 – Citroën C4 Picasso
Referencies
Enllaces esternos
Wikiwand - on
Seamless Wikipedia browsing. On steroids.
Remove ads