HD 115585
From Wikipedia, the free encyclopedia
Remove ads
HD 115585 ye una estrella de magnitú aparente +7,42 na constelación de Musca, la mosca, asitiada visualmente a 1,5º de δ Muscae. Alcuéntrase a 145 años lluz de distancia del Sistema Solar.
Remove ads
Carauterístiques físiques
HD 115585 ye una subxigante —o estrella de la secuencia principal— de color mariellu y tipu espectral G5-G6.[1] Tien una temperatura efectivo de 5711 ± 29 K[2] y la so lluminosidá ye un 70% superior a la lluminosidá solar.[3] El so radiu ye un 36% más grande que'l del Sol[4] y la velocidá de rotación proyeutada midida —0,1 km/s— ye práuticamente inapreciable.[5] La so masa ye daqué mayor que la masa solar —ente 1,11 y 1,14 mases solares—,[2][4] y paez ser una estrella más antigua que'l Sol; diverses fontes consultaes cifren la so edá ente los 5800[2] y los 9800 millones d'años.[4]
Remove ads
Composición química
La carauterística más notable de HD 115585 ye'l so altu conteníu en metales, siendo la so bayura relativa de fierro 2,2 vegaes mayor que nel Sol ([Fe/H] = +0,35). Ente más de 450 estrelles asemeyaes, bien poques —ente elles les estrelles con planetes HD 83443 y HD 181433— tienen una metalicidá comparable.[3] Tolos elementos evaluaos son sobreabundantes en rellación a los niveles solares. En particular, hai de solliñar el so altu conteníu de sodiu, 2,8 vegaes más eleváu que nel Sol.[5]
Coles mesmes, HD 115585 exhibe un baxu conteníu de litiu (logє[Li] < 0,51). Puesto que les estrelles con planetes tienen un menor conteníu de litiu[2] y, polo xeneral, una elevada metalicidá, cabría esperar que HD 115585 allugara un sistema planetariu. Sicasí, nun esiste evidencia de que seya asina.
Remove ads
Referencies
Wikiwand - on
Seamless Wikipedia browsing. On steroids.
Remove ads