HD 166348
From Wikipedia, the free encyclopedia
Remove ads
HD 166348 ye una estrella na constelación de Corona Austral de magnitú aparente +8,38.[1] Alcuéntrase a pocu más d'un grau de la brillosa HD 165189.
HD 166348 ye una nana naranxa de tipu espectral K6Vk,[2] enantes catalogada como nana colorada de tipu M0V.[1] Les sos carauterístiques son asemeyaes a les de les componentes del sistema 61 Cygni. Más fría que'l Sol, tien una temperatura superficial de 4425 ± 90 K y relluma con una lluminosidá equivalente al 9,4% de la lluminosidá solar. El so radiu correspuende al 68% del radiu solar, xirando sobre sigo mesma con una velocidá de rotación proyeutada —llende inferior de la mesma— de 1,56 km/s. Ye, al igual que munches otres nanes de tipu K5, un «rotor» lentu, que'l so periodu de rotación pue ser d'hasta 22 díes.[3] Tocantes al so conteníu metálico, el so índiz de metalicidá ([Fe/H] = +0,34)[3] ye significativamente más eleváu que'l del Sol. Amuesa actividá cromosférica.[2]
HD 166348 forma parte de l'Asociación Local o Grupu de movimientu de les Pléyades.[4] Alcuéntrase a 42,8 años lluz de distancia del Sistema Solar, siendo la estrella conocida más cercana a ella Gliese 732, a 6,5 años lluz.[5]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads