Harlow Wilcox
actor estauxunidense (1900–1960) From Wikipedia, the free encyclopedia
Remove ads
Harlow Wilcox (12 de marzu de 1900, Omaha – 24 de setiembre de 1960, Los Angeles) foi un llocutor radiofónicu d'Estaos Xuníos.
Remove ads
Biografía
Nacíu n'Omaha, Nebraska,[2] nel senu d'una familia dedicada al mundu del espectáculu, el so padre tocaba na banda del Ringling Brothers, y la so hermana tocaba'l violín en conciertos de música clásica y en shows de vodevil. Siguiendo la tradición familiar, Harlow tomó lleiciones de declamación, y mientres un tiempu actuó nel teatru. Finalmente decidió dedicase a la radio, y conoció a Jim y Marian Jordan nuna emisora de Chicago. Wilcox foi llocutor del show de los Jordan, Fibber McGee and Molly.[3]
Nel so trabayu radiofónicu, Wilcox foi tamién pioneru en faer anuncios comerciales que formaben parte d'una hestoria nel programa, en cuenta de utilizar l'habitual métodu d'incluyilos nes poses.
A lo llargo de la so carrera, Wilcox trabayó como llocutor en programes como Amos 'n' Andy, The Baby Snooks Show, Fibber McGee and Molly, Frank Merriwell,[4] Hap Hazard, Hollywood Premiere, Suspense, The Victor Borge Show[5] Your Electric Servant,[6] Blondie[7] Boston Blackie[8] y The Passing Parade.[9]
Amás del so papel como llocutor, Wilcox tamién actuó nun episodiu de la serie You Are There y en dos películes, Look Who's Laughing y They're Off. Tamién, nos años 1950 Wilcox foi vicepresidente executivu de Rockett Pictures, Inc., una compañía productora de Hollywood, California.[10]
Harlow Wilcox finó en Los Angeles, California, en 1960.[11] Foi soterráu nel Campusantu Forest Lawn Memorial Park, en Glendale (California).
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads