Henry Thomas

Henry Jackson Thomas, Jr. (9 de setiembre de 1971, San Antonio) ye un actor de cine y televisión d'Estaos Xuníos. Ye recordáu pol so papel como Elliot na película E.T. the Extra-Terrestial (1982) de Steven Spielberg.

Henry Thomas
Vida
Nacimientu	San Antonio[1], 9 de setiembre de 1971[2] (54 años)
Nacionalidá	Estaos Xuníos
Llingua materna	inglés
Familia
Casáu con	Marie Zielcke (2004 – 2007)
Fíos/es	3
Estudios
Estudios	East Central High School (en) Blinn College (en)
Llingües falaes	inglés[3]
Oficiu
Oficiu	actor, músicu, actor de televisión, actor de cine, guitarrista, actor de voz
Trabayos destacaos	E.T. the Extra-Terrestrial
IMDb	nm0001794

Biografía y carrera profesional

Estudió nel East Central High School y nel Blinn College. Debutó en 1981 nel filme Raggedy man, de Jack Fisk y participó na película The Steeler and the Pittsburgh Kid (1981). Al añu siguiente foi escoyíu pal filme E.T. the Extra-Terrestial, actuando'l rol d'un neñu que fai amistá con un estraterrestre. El filme resultó un ésitu de taquilla y promocionó la so carrera.

De regresu en San Antonio, participó nuna serie de comerciales pa televisión, mientres siguía los sos estudios nel colexu. Nos años siguientes de la década de 1980 actuó nes películes Misunderstood (1984), Cloak & Dagger (1984), Frog Dreaming (1986), Murder One (1988) y Valmont (1989), de Miloš Forman.

Na década de 1990, yá adolescente, participó nes películes pa televisión Psicosis IV - L'empiezu (1990) onde interpreta'l papel como Norman Bates mozu, A Taste for Killing (1992), Beyond Obsession (1994), Indictment: The McMartin Trial (1995), que-y valió una nominación al premiu Globu d'Oru, Riders of the Purple Sage (1996), Moby Dick (1998) y Happy Face Murders (1999).

Pa la pantalla grande actuó en Fueu nel cielu (1993), Curse of the Starving Class (1994), Legends of the Fall (1994), Bombshell (1996), Hijacking Hollywood (1997), Niagara, Niagara (1997), Suicide Kings (1997), Moby Dick (1998) y Fever (1999).

Na década de 2000 participó en A Good Baby (2000), All the Pretty Horses (2000), The Quickie (2001), Dead in the Water (2002), I'm with Lucy (2002), Gangs of New York (2002), I Prinde the Castle (2003), Briar Patch (2003), 11:14 (2003), Honey Baby (2003), Dead Birds (2004), The Hard Easy (2005), Desperation (2006) (película pa TV), The Last Sin (2007), Paranormal Activity (2007), Suffering Man's Charity (2007) y Red Velvet (2009).

Tamién participó en dos series de televisión, Masters of Horror (2005) y Without a Trace (2007–2008)

Vida privada

Tuvo casáu cola actriz Kelly Hill (2000- 2002). Ta anguaño casáu cola actriz alemana Marie Zielcke, con quien tien una fía, Hazel. Vive na ciudá de Los Angeles.

Interpretó Rock nun grupu llamáu The Blueheelers, que s'eslleió a final del Sieglu XX.

Filmografía

• E. T.: L'estraterrestre (1982)
• Xuegu secretu (1984)
• Valmont (1989)
• Psicosis IV (1990)
• Fire in the Sky (1993)
• Legends of the Fall (1994)
• Suicide Kings (1997)
• Moby Dick (1998)
• All the Pretty Horses (2000)
• I'm with Lucy (2002)
• Gangs of New York (2002)
• I Prinde the Castle (2003)
• 11:14- Destín fatal (2003)
• Lymelife (2009)
• Dear John (2010)