IAEA

L'Organismu Internacional d'Enerxía Atómica (OIEA, inglés: International Atomic Energy Agency) ye una organización internacional que busca promover l'usu pacíficu de la enerxía nuclear. Pertenez a los muérganos conexos del sistema de les Naciones Xuníes.

IAEA
organización establecía poles Naciones Xuníes
Llocalización
Sede	Viena
Direición	Austria
Historia
Fundación	1957
Participación empresarial
Organización matriz	Organización de les Naciones Xuníes
Filiales	ver International Nuclear Library Network (en) International Atomic Energy Agency - Trieste (en)
Propietariu de	ver International Nuclear Information System (en)
Forma parte de	ver Digital Preservation Coalition International Association of Scientific, Technical and Medical Publishers
Datos económicos
Emplegaos	2500 (xunu 2021)
Presupuestu	380 000 000 € (xunu 2021)
Varios
Premios	(2005)  Premiu Nobel de la Paz
Web oficial

Esti organismu entamó a funcionar en Viena'l 29 de xunetu de 1957 y en payares del mesmu añu l'Asamblea Xeneral de les Naciones Xuníes (ONX) aprobó un alcuerdu sobre la rellación de la OIEA cola ONX, a fin de tratar d'entainar y aumentar la contribución de la enerxía atómica pa fines de paz, la salú y la prosperidá en tol mundu.

Teniendo como oxetivu l'asegurar que l'asistencia prestada nun s'utilice con fines militares, l'OIEA establez normes de seguridá nuclear y proteición ambiental, ayuda a los países miembros con actividaes de cooperación téunica y alenta l'intercambiu d'información científica y téunica sobre la enerxía nuclear.

Cuenta con asesores, equipu y capacitación para suministrar asistencia a los gobiernos en desarrollu y da-y puxu a la tresmisión de coñocimientos teóricos y práuticos pa que los países receptores puean executar eficaz y seguramente los sos programes d'enerxía atómica.

Formula tamién normes básiques de seguridá pa la proteición escontra radiaciones y asoleya reglamentos y códigos de práutiques sobre determinaos tipos d'operaciones, incluyí'l tresporte de material radiactivu.

Nel añu 2005 l'organismu, y el so direutor xeneral Mohamed el-Baradei, recibieron el Premiu Nobel de la Paz. El comité concedió-yos esti premiu por:

[...] ye la OIEA quien controla que la enerxía nuclear nun s'utilice de forma indebida con propósitos militares [...] nel momentu nel que los esfuercios del desarme paecen nun puntu muertu y esiste peligru de que l'armamentu nuclear prolifere nos estaos y nos grupos terroristes [...]

Sede

L'OIEA, tien la so sede en Viena (Austria), con sedes rexonales en Xinebra, Nueva York, Toronto y Tokiu, y cuenta con 180 estaos miembros.^[1]