Idioma quinqui

L'idioma quinqui o romanó ye un idioma faláu n'España namái polos mercheros o quincalleros, una antigua etnia nómada que güei ta asitiada en delles zones del país. Contién elementos asemeyaos pero non iguales a los del caló, de la germanía y del erromintxela. Anque tendría de describise más puramente como una llingua ensin clasificar.

Quinqui, Merchero 'Bron'
Faláu en	España
Rexón	Llingua de los mercheros
Familia	Llingua criolla   Criollu romanín     caló / erromintxela       quinqui
Estatus oficial
Oficial en	Nun ye oficial
Reguláu por	Nun ta reguláu
Códigos
ISO 639-1	nengún
ISO 639-2
ISO 639-3	quq

Descripción

Esiste relativamente poco material publicáu sobre la fala de los mercheros o quincalleros yá que nun lo dan a conocer y solamente ye utilizáu ente ellos. Los testimonios llingüísticos recoyíos amuesen un léxicu familiarizáu de delles fontes, especialmente del erromintxela y del romanín caló. Un exemplu citáu por García-Egocheaga ye:^[1]

Mutil, ¡achanta la mui!: 'Mozu, cállate la boca'

Esto significa mutil 'mozu' , ente que achanta 'callar' y mui 'boca' son elementos léxicos del romanó. Esti exemplu ye atribuyíu a un grupu de mercheros establecíos dende hai enforma tiempu en Miranda d'Avilés.