Irene Montero

Irene María Montero Gil (13 de febreru de 1988, Madrid) ye una política y psicóloga española, miembru de la direición de Podemos. Dende xineru de 2016 ye diputada por Madrid nel Congresu de los Diputaos y dende febreru de 2017 voceru del Grupu Confederal Xuníos Podemos-En Comú Podem-En Marea nel Congresu.

Irene Montero
eurodiputada 16 xunetu 2024 - Distritu: España Eleiciones: eleiciones al Parllamentu Européu de 2024 Ministra d'Igualdá del Gobiernu d'España 13 xineru 2020 - 20 payares 2023 ← Bibiana Aído - Ana Redondo García → diputada d'España 3 avientu 2019 - 17 agostu 2023 Distritu: Madrid Eleiciones: eleiciones al Congresu de los Diputaos de payares de 2019 diputada d'España 14 mayu 2019 - 3 avientu 2019 Distritu: Madrid Eleiciones: eleiciones al Congresu de los Diputaos d'abril de 2019 en Madrid diputada d'España 8 xunetu 2016 - 21 mayu 2019 Distritu: Madrid Eleiciones: eleiciones al Congresu de los Diputaos de 2016 en Madrid diputada d'España 5 xineru 2016 - 19 xunetu 2016 Distritu: Madrid Eleiciones: eleiciones al Congresu de los Diputaos de 2015 en Madrid
Vida
Nacimientu	Madrid[1], 13 de febreru de 1988[1] (37 años)
Nacionalidá	España [2]
Residencia	Galapagar
Familia
Padre	Clemente Montero
Madre	Adoración Gil
Pareyes	Pablo Iglesias Turrión
Fíos/es	3[3]
Estudios
Estudios	Colegio Siglo XXI (es) Universidá Autónoma de Madrid (2006 - 2011) llicenciatura : sicoloxía
Llingües falaes	castellanu
Oficiu
Oficiu	política, psicóloga, activista
Llugares de trabayu	Madrid
Premios	ver Premio Triángulo Rosa  (2023) [4] Gran Cruz de la Orde de Carlos III  (30 xunetu 2024) [5]
Nominaciones	ver Politician of the Year Award (en) (2023)[6]
Miembru de	Mocedá Comunista
Creencies
Relixón	ateísmu[7]
Partíu políticu	Podemos (dende 2014)[8]
IMDb	nm6940852

Trayeutoria

Estudió nel colexu Sieglu XXI del barriu de Moratalaz en Madrid. Afilióse a les Mocedaes Comunistes (UXCE) a los 16 años.^[9] Ye llicenciada en psicoloxía pola Universidá Autónoma de Madrid, tien un máster en Psicoloxía de la Educación (2013)^[10] y foi becaria de doctoráu na Universidá Autónoma de Madrid con una beca de Formación de Profesoráu Universitariu.^[11] Xunióse a Podemos tres les eleiciones al Parllamentu Européu de 2014 xunto a Rafa Mayoral dende la Plataforma d'Afectaos pola Hipoteca (PAH).^[12][10]

En payares de 2014, en siendo candidata al Conseyu Ciudadanu de Podemos^[13] foi nomada responsable de Movimientos Sociales^[14] y entamó a dirixir el gabinete del líder de Podemos, Pablo Iglesias momentu nel qu'aplazó'l so proyeutu de tesis doctoral sobre nuevos métodos d'inclusión educativa pa dedicase por completu a Podemos.^[12]

Foi candidata por Madrid al Congresu de los Diputaos por Podemos nes eleiciones del 20 d'avientu de 2015, siendo escoyida diputada de la XI y la XII Llexislatura. Dende'l 18 de febreru de 2017 desempeña'l cargu de voceru^[15] del Grupu Confederal Xuníos Podemos- En Comú Podem- En Marea, siendo la vocera más nueva de la democracia.^[16]

Mientres la campaña eleutoral del 20 d'avientu de 2015, Iglesias anunció que Montero sería la vicepresidenta y ministra de la Presidencia d'un hipotéticu gobiernu de Podemos.^[10]

Nes eleiciones del Congresu de Vistalegre II a la direición de Podemos foi escoyida miembru del Conseyu Ciudadanu Estatal.^[17] Foi la muyer más votada, asitiándose nel cuartu puestu, tres Pablos Iglesias, Pablo Echenique y Íñigo Errejón.^[18] Anguaño ye miembru de la Mesa de Coordinación de Podemos, secretaria d'Aición nel Congresu y xefa del gabinete de Pablo Iglesias.

Como diputada, en xunu de 2017 se convirtió na primer muyer na historia d'España qu'intervien nel parllamentu nuna moción de censura.^[19]