Islla Isabela

La islla Isabela ye la islla más grande del archipiélagu ecuatorianu de les islles Galápagos, con 4588 km² de superficie. Representa'l 60% de la superficie total terrestre de les islles Galápagos.^[1]

Islla Isabela
Situación
País	Ecuador
Provincia	Galápagos Province (en)
Tipu	islla
Parte de	Islles Galápagos
Asitiáu en	Océanu Pacíficu
Coordenaes	0°45′39″S 91°01′22″W
Islla Isabela Islla Isabela (Islles Galápagos)
Datos
Altitú media	26 m
Puntu más altu	Volcán Wolf (en)
Superficie	4711 km²
Población	3000
Noamáu por	Sabela I de Castiella y Christopher Monck, 2nd Duke of Albemarle (en)
Fusu horariu	UTC−06:00
Llonxitú	137 km

Descripción

Foi llamada asina n'honor de la Reina Isabel I de Castiella, que patrocinó'l viaxe de Cristóbal Colón. N'inglés conocozse amás como Albemarle, n'honor al duque de Albemarle.

Tien una población de 2200 habitantes. El puntu más altu ye'l volcán Wolf, qu'algama 1707 msnm, siendo unu de los seis volcanes (Ecuador, Wolf, Darwin, Alcedo, Sierra Negra y Cerro Azul) que s'atopen na islla Isabela (cinco d'ellos tán n'actividá). La forma de la islla debese a la fusión d'estos seis grandes volcanes nuna sola masa. Esta islla ye la única de les Galápagos que ye travesada pela llinia del Ecuador.

Nr	Volcán	Altitú (m)	Erupción	Coordenaes
1	Ecuador	790	1150	0°01′28″S 91°33′43″W
2	Wolf	1707	2022	0°01′15″N 91°20′33″W
3	Darwin	1330	1813	0°11′28″S 91°17′31″W
4	Alcedo	1130	1993	0°25′31″S 91°07′15″W
5	Sierra Negra	1124	2005	0°48′59″S 91°07′50″W
6	Cerro Azul	1640	2008	0°55′39″S 91°23′37″W

Nesta islla pueden reparase pingüinos, mabees non voladores, iguanes marines, piqueros, pelícanos y foques, según abondosos cámbaros coloraos. Nes faldes y calderes de los seis volcanes de Isabela pueden reparase iguanes terrestres y tortúes, según pinzones, mabees, flamencos, ferres de Galápagos, palombos de Galápagos y una interesante vexetación.^[2]

El tercer mayor asentamientu humanu del archipiélagu, Puerto Villamil, ta allugáu nel estremu sur de la islla. Otres atraiciones populares son el «Muriu de les Llárimes» (un muriu o paré construyida por prisioneros cuando les islles yeren un penal o cárcel) y la llaguna Flamingo. Dambos llugares tán na parte sur de la islla.

Aeropuertu

L'aeropuertu Xeneral Villamil de la islla Isabela ta allugáu a 2,5 km del centru de Puerto Villamil. Esti aeropuertu ye'l menos transitáu del archipiélagu; recibe apenes pocu más de doce vuelos diarios. La so pista 17 / 35 mide 1500 metros de llongura por 30 metros d'anchu.

Dalgunes de les aves qu'habiten la islla

• 
  Mabea (Phalacrocorax harrisi)
• 
  Fragata (Fregata magnificens)
• 
  Piquero (Sula granti)
• 
  Canariu (Dendroica petechia)

Ver tamién

• Xeografía d'Ecuador