Islles Glorioses

Les islles Glorioses o Gloriosu (en francés: Îles Glorieuses o tamién Archipel des Glorieuses) son un grupu d'islles y castros despoblaos del océanu Índicu pertenecientes a Francia, qu'en total apenes entienden una superficie de 7 km². Visítala davezu personal técnicu francés rellacionáu cola meteoroloxía.

Islles Glorioses
Situación
País	Francia
Territoriu dependiente	Tierres Australes y Antártiques Franceses
Grupu	Islles Esperdigaes del Océanu Índicu
Tipu	archipiélagu
Parte de	Archipiélagu de les Comores
Asitiáu en	Canal de Mozambique
Coordenaes	11°33′00″S 47°20′00″E
Islles Glorioses Islles Glorioses (Océanu Índicu)
Datos
Altitú media	12 m
Superficie	5 km²
Fusu horariu	UTC+04:00

Atópase nel norte de la canal de Mozambique, a unos 160 km al nordeste de Madagascar. L'archipiélagu consiste en dos islles, la Gran Gloriosa y la islla de Lys, según tamién cunta con ocho islotes predresos.

Son territoriu reclamáu por Madagascar, por Seixeles (considerándoles parte del archipiélagu Seixeles) y por Comores (considerándoles parte del archipiélagu de les Comores).

Historia

Les Islles Glorioses fueron nomaes pol francés Hippolyte Caltaux, quien s'estableció ellí en 1880, y dio entamu a los plantíos de maíz y cocu na islla Gran Gloriosa. les islles fueron amestaes per Francia en 1892. Formen parte de les Islles Esperdigaes del Océanu Índicu.^[1]

Economía

Les islles tienen una zona económica esclusiva (EEZ) de 48.350 km². Hai fondeaderos nes proximidaes de la mariña y la islla Gran Gloriosa tien una pista d'aterrizaxe de 1.300 m de llargu.