Iturmendi
From Wikipedia, the free encyclopedia
Remove ads
Iturmendi ye un conceyu de la Comunidá Foral de Navarra, asitiáu na Merindad de Pamplona, na contorna de Sakana, nel valle del Burunda y a 45 km de la capital, Pamplona. La so población ye de 432 habitantes (2024)[3][4].
Remove ads
Topónimu
Iturmendi ye un topónimu tresparente. Significa monte de la fonte n'euskera, yá que provién de les pallabres itur(ri) (fonte) y mendi (monte).
Según Nicolás Arbizu, estudiosu de la toponimia y hestoria del pueblu; hasta'l sieglu XVII el pueblu denominábase Iturmendía, pero perdió la -a final que tien valor d'artículu n'euskera y que se suel perder en munchos topónimos vascos.
Iturmendi cunta con tres fuentes públiques, pudiendo tar dalguna d'elles nel orixe del nome. Sicasí, el pueblu nun s'alluga sobre nenguna pandiella o monte pudiéndose deber el nome del pueblu a dalgún monte vecín.
Remove ads
Símbolos
Escudu
L'escudu d'armes del llugar de Iturmendi tien el siguiente blasón:
Trai de plata y una águila plasmada de sable.
Esti escudu d'armes ye'l mesmu del valle de la Burunda, por mercé de Felipe IV en 1632.[5]
Xeografía física
Situación
La llocalidá de Iturmendi ta asitiada na parte noroeste de la Comunidá Foral de Navarra dientro del denomináu corredor de Sakana o del Arakil y el valle de la Burunda, a una altitú de 528 msnm. El so términu municipal tien una superficie de 9,91 km² y llinda al norte col municipo d'Ataún de la provincia de Guipúzcoa y la comunidá autónoma del País Vascu, al este col de Bakaiku, al sur cola Sierra de Urbasa y al oeste col conceyu d'Urdiain.[6]
Demografía
Evolución de la población
| Gráfica d'evolución demográfica d'Iturmendi ente 1900 y 2017 |
 |
|
Población de derechu (1900-1991) o población residente (2001) según los censos de población del INE. Población según el padrón municipal de 2017 del INE. |
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads