Ixioliriaceae
From Wikipedia, the free encyclopedia
Remove ads
Les ixioliriacees (nome científicu Ixioliriaceae) son una pequeña familia de plantes monocotiledónees distribuyíes dende Exiptu hasta'l Asia Central. Son yerbes perennes con cormos, fueyes en forma de roseta, les inflorescencies racimosas, y flores curties tubulares azules con ovariu ínfero. La familia foi reconocida por sistemes de clasificación modernos como'l sistema de clasificación APG II del 2003[2] y el APWeb (2001 d'equí p'arriba[3]), cuando los analises moleculares d'ADN determinaron que'l so únicu xéneru, Ixiolirion Fisch. ex Herbert, tenía de segregase de la familia Amaryllidaceae onde tradicionalmente yera allugáu, pa conformar la so propia familia.
Remove ads
Filoxenia
La posición de Ixioliriaceae y Tecophilaeaceae nel árbol filoxenéticu d'Asparagales inda ye pocu clara. Dalgunos analises moleculares d'ADN xunen estos dos families nun cladu, por casu recibe sofitu de leve a moderáu en Chase et al. (2000[4]), Pires et al. (2006[5]), y Givnish et al. (2006[6]), y en Graham et al. (2006[7]) recibe un sofitu más fuerte pero'l muestreo ye más bien probe. Nel analís de 3 xenes de Fay et al. (2000[8]) el cláu tien un brazu bien llargu. Estos dos families comparten los cormos, la inflorescencia foliosa, y munches vegaes, una inflorescencia casi capitada, les fueyes de disposición espiralada y base envainadora, les flores más bien grandes, el verticilu esternu de tépalos mucronáu a aristáu, el periantu formando un tubu curtiu, el androcéu inxertáu na boca, y un númberu cromosómico x=12 (Soltis et al. 2005 y APWeb). Tamién s'atopen otres topoloxíes: en Janssen y Bremer (2004[9]) Ixioliriaceae diverxe considerablemente enantes (magar ye axacente a) Tecophilaeaceae; y en Davis et al. (2004[10]), con un muestreo probe, alcuéntrase dalgún sofitu pa hermanar a Ixioliriaceae con Iridaceae, tamién en Chase et al. (2006[11]) alcuéntrase sofitu (esta vegada fuerte) pa esti parentescu, onde'l cláu ye hermanu de Doryanthaceae (pero con sofitu baxu).
Remove ads
Taxonomía
El xéneru y les especies, conxuntamente cola so publicación válida y distribución se listan de siguío (Royal Botanic Gardens, Kew[1]):
Ixiolirion Fisch. ex Herb., Appendix: 37 (1821). 4 especies:
- Ixiolirion ferganicum Kovalevsk. & Vved., Bot. Mater. Gerb. Inst. Bot. Zool. Akad. Nauk Uzbeksk. S.S.R. 16: 18 (1961). Distribuyida nel centru d'Asia
- Ixiolirion karateginum Lipsky, Trudy Imp. S.-Peterburgsk. Bot. Sada 18: 108 (1900). Del centru d'Asia y noroeste de Paquistán
- Ixiolirion songaricum P.Yan, En: Fl. Xinjiangensis 6: 605 (1996). Nativa del noroeste de China.
- Ixiolirion tataricum (Pall.) Schult. & Schult.f., En: J.J.Roemer & J.A.Schultes, Syst. Veg. 7: 752 (1829). Natural del este de Turquía hasta'l Kashmir.
- Ixiolirion tataricum var. ixiolirioides (Regel) X.H.Qian, Bull. Bot. Res., Harbin 4(2): 158 (1984). Una variedá del centru d'Asia **
Ixiolirion tataricum var. tataricum. Natural del este de Turquía hasta Caxmir
Remove ads
Ver tamién
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads