Jack Warden

Jack Warden (John H. Lebzelter, 18 de setiembre de 1920, Newark – 19 de xunetu de 2006, Nueva York) foi un actor norteamericanu.

Jack Warden
Vida
Nacimientu	Newark, 18 de setiembre de 1920[1]
Nacionalidá	Estaos Xuníos
Llingua materna	inglés
Muerte	Nueva York[2], 19 de xunetu de 2006[3] (85 años)
Causa de la muerte	insuficiencia renal
Fíos/es	1
Estudios
Llingües falaes	inglés[4]
Profesor de	Penny Peyser (es)
Oficiu
Oficiu	actor de televisión, actor de cine, actor de xéneru, actor de teatru, boxeador, actor
Premios	ver Primetime Emmy al mejor actor de reparto - Serie dramática  (1972) : Brian's Song (es)
Nominaciones	ver Óscar al meyor actor de repartu (17 febreru 1976): Shampoo Óscar al meyor actor de repartu (20 febreru 1979): Heaven Can Wait
Xéneru artísticu	western
Serviciu militar
Cuerpu militar	Armada d'Estaos Xuníos Exércitu de los Estaos Xuníos
Lluchó en	Segunda Guerra Mundial
IMDb	nm0912001

Biografía

Crióse en Louisville (Kentucky). Los sos primeros trabayos fueron de guardaespaldes y gorila de club de nueche. Tamién, lluchó como boxeador profesional col nome de Johnny Costello. Sirvió na 101ª División Aerotresportada mientres la Segunda Guerra Mundial.

Warden decidió empecipiar la so carrera d'actor dempués de dexar l'exércitu y camudase a Nueva York. Xunir a la compañía del teatru "Dallas Alley Theater", cola que tuvo cinco años. Debutó en televisión en 1948 en "The Philco Television Playhouse" y "Studio One". El so debú nel cine nun se produció hasta 1951, cola película "You're in the Navy Now" de Henry Hathaway, película protagonizada por Gary Cooper na que tamién debutaron Lee Marvin y Charles Bronson.

Warden tuvo'l so primer papel principal na película "The man with my face" en 1951. En 1952, empecipió les sos actuaciones na serie de televisión "Sr. Peepers" que duró 3 años.

En 1967, aparecío como actor invitáu nel capítulu Concrete Evidence de la serie The Fugitive con David Janssen nel papel de Pat, un constructor que recuerda ver nuna semeya de corréu al Dr. Richard Kimble, cuando esta formáu pidiendo trabayu ante la contratista Pearl (Celeste Holm) indicando que sea contratáu.

Warden, que se casó cola actriz francesa Yanda Dupre en 1958 (tuvieron un fíu, Christopher), apaeció en cientos de películes mientres una carrera que duró seis décades. Recibió un premiu Emmy pola so actuación como George Halas en "Brian's Song" (1971), y foi nomáu pa los Óscar como meyor actor de repartu poles sos interpretaciones en "Shampoo" (1975, Hal Ashby) y "Heaven Can Wait" (1978, Buck Henry y Warren Beatty). Tamién actuó, más apocayá, en "Esti mozu ye un demoniu" (1990) y "Esti mozu ye un demoniu 2" (1991). La so última película foi "The Replacements" (2000), protagonizada por Gene Hackman y Keanu Reeves.

Actor secundariu por excelencia, llogró bastante popularidá poles sos destacaes interpretaciones en cine y televisión, sobremanera a partir de los años 70. Recuérdense especialmente los sos trabayos en "Tolos homes del presidente" (1976), "Veredictu final" (1982) y "Setiembre" (1987), amás del ésitu que supunxo la serie de TV "Llocu de remate" en 1986. Per otru llau, foi riquíu en más d'una ocasión por dos direutores tan distintos como Sidney Lumet ("Serpico") y Woody Allen, que supieron cubicar el so talentu de manera fehaciente.

Warden vivía en Manhattan; morrió d'un fallu nel corazón y del reñón y otros problemes médicos el 19 de xunetu de 2006 nun hospital de Nueva York. Tenía 85 años.

Filmografía

• Equipu a encomalo (2000)
• A Dog Of Flanders (1999)
• Trabayu puercu (1998)
• Ed (1996)
• While You Were Sleeping (1995) xunto a Sandra Bullock y Bill Pullman.
• Esti mozu ye un demoniu 3 (1995)
• Things to Do in Denver When You're Dead (1995) al llau d'Andy García.
• Bales sobre Broadway (1994) con John Cusack y Dianne Wiest.
• L'abogáu del diañu (1993) compartiendo cartelu con Rebecca De Mornay y Don Johnson.
• Toys (Fabricando ilusiones) (1992) en compañía de Robin Williams.
• La nueche y la ciudá (1992) xunto a Robert De Niro y Jessica Lange.
• Esti mozu ye un demoniu 2 (1991)
• Esti mozu ye un demoniu (1990)
• Más fuerte que l'odiu (1988) con Sean Connery, Mark Harmon y Meg Ryan.
• Setiembre (1987) como padre de la protagonista (Mia Farrow) xunto a Elaine Stricht y Sam Waterston.
• The Aviator (1985) al llau de Christopher Reeve.
• Veredictu final (1982), una de les sos meyores interpretaciones, magníficamente empobináu por Sidney Lumet y en compañía de Paul Newman y Charlotte Rampling.
• El golfu de San Francisco (1981) con Alan Arkin y Carol Burnett.
• Frenos rotos, coches llocos (1980) xunto a Kurt Russell.
• Superman II (1980)
• Being There (1979) acompañáu de Peter Sellers y Shirley MacLaine.
• Más allá del Poseidón (1979)
• Campeón (1979) con Jon Voight y Faye Dunaway.
• ...And Justice for All (1979) actuando con Al Pacino y Lee Strasberg.
• Heaven Can Wait (1978) xunto a Warren Beatty, Julie Christie y Charles Grodin.
• Muerte nel Nilo (1978) metanes una espectacular repartida (Bette Davis, Mia Farrow, Angela Lansbury, Peter Ustinov, George Kennedy, etc).
• Tolos homes del presidente (1976) con Robert Redford, Dustin Hoffman y Jason Robards.
• Shampoo (1975) xunto a Warren Beatty y Julie Christie.
• L'home qu'amó a Cat Dancing (1973) en compañía de Burt Reynolds y Sarah Miles.
• Billy Two Hats (1973) con Gregory Peck.
• Adiós, Braverman (1968) al llau de George Segal.
• Misión secreta (1965) xunto a Rock Hudson.
• Donovan's Reef (1963) en compañía de John Wayne y Lee Marvin.
• Run Silent, Run Deep (1958) con Clark Gable y Burt Lancaster.
• 12 Angry Men (1957) metanes Henry Fonda, Ed Begley, Y. G. Marshall, etc.
• La nueche de los homes (1957) con Carolyn Jones y Don Murray.
• From Here to Eternity (1953) xunto a Burt Lancaster, Deborah Kerr, Frank Sinatra, Donna Reed y Montgomery Clift.
• You're in the Navy Now (1951)
• The man with my face (1951)

Premios

Óscar

Añu	Categoría	Película	Resultáu
1978	Óscar al meyor actor de repartu	Heaven Can Wait	Candidatu
1975	Óscar al meyor actor de repartu	Shampoo	Candidatu