Jane Russell
From Wikipedia, the free encyclopedia
Remove ads
Ernestine Jane Geraldine Russell (21 de xunu de 1921, Bemidji (es) – 28 de febreru de 2011, Santa Maria)[5] foi una actriz d'Estaos Xuníos y símbolu sexual de los años 1940 y 1950, recordada pol so papel principal nel filme Gentlemen Prefer Blondes, xunto a Marilyn Monroe.
Remove ads
Primeros años
Fía d'una actriz y de un militar. La influencia de la so madre fizo que Jane fora estudiar interpretación cola famosa Maria Ouspenskaya, instruyéndose tamién en cantar y pianu.
Carrera
Russell trabayaba como modelu y secretaria d'un médicu cuando foi contratada pol magnate Howard Hughes p'actuar na película The Outlaw (El foraxíu o Fora de la llei) de 1943. En dalgún momentu Howard Hughes sintió obsesión polos pechos de Russell nel plató.[6]
Tres el so debú cinematográficu, participó en programes radiofónicos d'humoristes de la dómina, ente los que se topen Bob Hope, y apaeció como modelu de glamour en revistes militares. En 1946, Russell volvió al cine pa interpretar el papel de Joan Kenwood nel llargumetraxe Young Widow. Dempués, collaboró cola banda de Kay Kyser na interpretación de los senciellos "As Long As I Live" y "Boin-n-n-ng!". En 1948 intervieno na película The Paleface (The Paleface), xunto a Bob Hope y Robert Armstrong.
La so etapa más prolífica sería la primer metá de la década de 1950, periodu nel cual intervieno en títulos que principalmente aprovechaben el so arrogante físicu. Ente ellos, destaquen His Kind of Woman (His Kind of Woman, 1951), Macáu (1952) y especialmente Gentlemen Prefer Blondes (Gentlemen Prefer Blondes, 1953) xunto a Marilyn Monroe. Depués rodó una especie de secuela, Gentlemen Marry Brunettes (Gentlemen Marry Brunettes, 1955) y Hot Blood (Sangre caliente, 1956).
Anque siguió actuando mientres la década de 1960, les sos películes apaecíen cada vegada más espaciadas, apaeciendo en títulos bastante escaecederos. Tres Darker Than Amber (1970), un filme de Robert Clouse, Jane retiróse definitivamente del mundu del cine dedicándose a la televisión, al teatru musical en Broadway y al mundu de la publicidá, apaeciendo en promociones de suxetadores.

Russell casóse en trés causes. La primera col xugador de fútbol americano Bob Waterfield, quien intervieno na película Jungle Manhunt (1951), nun enllaz que duraría dende 1943 hasta 1968. El so segundu home sería Rober Barrett, quien morrería'l mesmu añu de la so boda (1968), y el terceru y postreru foi John Calvin Peoples, col que se casó en 1974 y col que permaneció casada hasta la muerte d'ésti.
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads