Jenny Lewis

Jennifer Diane "Jenny" Lewis, (nacida'l 8 de xineru de 1976, Las Vegas, Nevada), ye una cantante, música y actriz d'Estaos Xuníos, anguaño miembru de la banda indie Rilo Kiley, que tamién sacó un álbum como solista.

Jenny Lewis
Vida
Nacimientu	Las Vegas[1], 8 de xineru de 1976[2] (49 años)
Nacionalidá	Estaos Xuníos
Oficiu
Oficiu	cantautora, música, actriz de televisión, actriz de cine, artista d'estudiu
Llugares de trabayu	Los Angeles
Xéneru artísticu	pop rock alternativu
Instrumentu musical	voz guitarra guitarra baxu tecláu Harmónica pianu
Discográfica	Team Love Records (es)
Creencies
Relixón	ateísmu
IMDb	nm0507343
jennylewis.com

Actuación

Lewis fixo'l so debú nun anunciu publicitariu de Jell-O, amás d'apaecer nel papel d'una de les nietes de Lucy en Life with Lucy, el programa de Lucille Ball. Amás, tuvo papeles pequeños en programes de televisión como Baywatch, Golden Girls, Growing Pains, Roseanne, Mr. Belvedere y Brooklin Bridge. Tamién apaeció nuna docena de películes.

Música

Jenny Lewis.

Rilo Kiley

En 1998, ella y los sos amigos Pierre De Reeder, Blake Sennett y Dave Rock formaron la banda indie Rilo Kiley. Empezaron con un soníu country que se foi faciendo rock indie, y foi col so álbum More Adventurous qu'algamaron l'ésitu. El cantar "Portions for Foxes" foi un hit, y en 2005 la banda robló con Warner Bros. y foi telonera de Coldplay mientres el so tour pelos Estaos Xuníos en 2005.

Otros proyeutos musicales

Jenny Lewis con The Postal Service en Lollapalooza 2013

En 2002, a Lewis pidiéronlu qu'emprestara la so voz pa dellos cantares de The Postal Service, que'l so álbum Give Up foi un ésitu internacional. Lewis actuó nel video de We Will Become Silhouettes y tuvo de xira cola banda en 2003.

En 2004, Conor Oberst convidó a Lewis a grabar un cantar en solitariu pal sellu discográficu Team Love. Foi según Rabbit Fur Coat foi llanzáu en xineru de 2006, con collaboraciones de músicos como Ben Gibbard de Death Cab for Cutie, James Valentine, guitarrista de Maroon 5 y The Watson Twins

Nel añu 2008 publicó un nuevu discu en solitariu tituláu "Acid Tongue" con once canciones.

En 2008 escribió ya interpretó'l cantar "Barking at the moon" pa la película animada "Bolt". En 2010, collabora con Brandon Flowers nel so nuevu discu solista, Flamingo 2011, un de los sos cantares "Bad man's world" ye utilizada na película The Hangover 2 (The Hangover Part II)