Jerry Hall

Jerry Hall (2 de xunetu de 1956, Gonzáles ^(es) ) ye una modelu y actriz d'Estaos Xuníos.

Jerry Hall
Vida
Nacimientu	Gonzáles (es) , 2 de xunetu de 1956[1] (69 años)
Nacionalidá	Estaos Xuníos
Familia
Padre	John P. Hall
Madre	Marjorie Sheffield
Casada con	Mick Jagger (1990 – nul. 1999)[2] Rupert Murdoch (2016 – div. 2022)[3]
Pareyes	Bryan Ferry Mick Jagger Robert Sangster Armand Marie Leroi
Fíos/es	Elizabeth Jagger (es) James Jagger (es) Georgia May Jagger Gabriel Jagger (es)
Estudios
Estudios	The Open University North Mesquite High School (en)
Llingües falaes	inglés[4]
Oficiu
Oficiu	modelu, actriz de teatru, actriz de cine, actriz de televisión, autobiógrafa
Altor	180 cm
Miembru de	Emaús (es)
IMDb	nm0355717

Biografía

Hall foi una de los nueve xueces de los Whitbread Awards de 1999 y tuvo del llau de la mayoría nuna apostada votación de 5-4 pa premiar como llibru del añu a la traducción de Seamus Heaney de Beowulf en llugar de Harry Potter and the Prisoner of Azkaban de J.K. Rowling.

A empiezos de 2000 protagonizó en teatru'l papel de la señora Robinson na obra The Graduate, el papel incluyía un desnudu nel escenariu (el cual espantó a la madre de Hall).

En 2005, Jerry Hall protagonizó un reality de la canal musical VH1 llamáu "Kept", que xiraba en redol a la busca d'un casanova. Nesti show 12 homes d'Estaos Xuníos teníen de tresformase de tíos a caballeros refinaos al traviés d'una serie de retos, y del dominiu d'habilidaes básiques. El concursante de 34 años llamáu Seth ganó l'acobiciáu títulu del home "Kept" de Jerry Hall.

Amás, apaez en Batman (1989) nel papel d'Alicia, amante del Joker, al cual ésti -y deforma la so cara con unu de los sos químicos.

Vida privada

Jerry y Mick Jagger casaron en Bali en payares de 1990. De la so rellación nacieron 4 fíos (Elizabeth, James, Georgia y Gabriel), pero la validez llegal del matrimoniu foi dende entós cuestionada. El matrimoniu foi anuláu en 1999.

Jerry empezó un romance secretu con Jagger cuando taba comprometida con Bryan Ferry. Como resultáu d'esto, Ferry escribió dellos cantares como "Kiss and Tell" y "Cry, Cry, Cry". Dalgunos creen que l'álbum de Ferry "The Bride Stripped Bare" foi un documental de los sentimientos que'l cantante tenía pola so rotura con Hall.

Ella escribió la so autobiografía, titulada "Jerry Hall's Tall Tales", publicada en 1985. Nesti llibru describe la so vida temprana en Mesquite, Texas. Tamién rellata les sos esperiencies como nuevu modelu, viviendo una fabulosa vida en París.