Ji1 Orionis
From Wikipedia, the free encyclopedia
Remove ads
Ji1 Orionis o Chi1 Orionis (χ1 Ori / 54 Orionis)[1] ye una estrella na constelación d'Orión de magnitú aparente +4,41. Comparte la denominación de Bayer «Ji» con Ji2 Orionis, magar nun esiste rellación física ente elles: ente que Ji1 Orionis ye una estrella cercana distante 28,7 años lluz, Ji2 Orionis alcuéntrase a unos 4900 años lluz del Sistema Solar.
Remove ads
Carauterístiques
Ji1 Orionis ye una nana mariella de tipu espectral G0V, non bien distinta del Sol, con una temperatura de 5942 ± 26 K,[2] unos 160 K más caliente que la nuesa estrella. La so lluminosidá ye un 8% superior a la lluminosidá solar y la so masa ye apenes un 3% mayor que la del Sol.[3] Tocantes al so tamañu, tien un radiu de 1,047 ± 0,053 radios solares.[4] El so periodu de rotación ye menos d'un terciu del que tien el Sol, lo que produz actividá magnética y radiación X. Con una edá envalorada de 100 millones d'años, paez ser muncho más nuevu que la nuesa estrella, que la so edá ye de 4600 millones d'años.[5] Amuesa una metalicidá comparable a la solar ([Fe/H] = -0,04).[2]
Ji1 Orionis forma parte de la corriente d'estrelles de l'Asociación estelar del sietestrellu.[6] La estrella conocida más cercana a ella ye la nana colorada Gliese 232, distante 3,6 años lluz.[7]
Remove ads
Compañera estelar
Ji1 Orionis tien una compañera estelar de 0,15 mases solares que completa una órbita alredor d'ella cada 14,1 años. A una distancia media de 6,1 UA, xira nuna órbita escéntrica (ε = 0,45)[8] que fai la separación ente dambes varie ente 3,3 y 8,9 UA. Considerando la mocedá del sistema, la compañera de baxa masa posiblemente entá tea nel procesu d'axuste internu y nun llegó a la llamada «edá cero», momentu nel cual empiézase a contabilizar la edá d'una estrella. A partir d'esi puntu va empezar la so andadura como una nana colorada de tipu M6.[5]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads