Jo Van Fleet

Jo Van Fleet (29 d'avientu de 1915, Oakland – 10 de xunu de 1996, Queens) foi una actriz teatral y de cine d'Estaos Xuníos.

Jo Van Fleet
Vida
Nacimientu	Oakland, 29 d'avientu de 1915[1]
Nacionalidá	Estaos Xuníos
Residencia	Oakland
Llingua materna	inglés
Muerte	Queens, 10 de xunu de 1996[2] (80 años)
Causa de la muerte	enfermedá
Estudios
Estudios	Universidá del Pacíficu Neighborhood Playhouse School of the Theatre (en) HB Studio (es)
Llingües falaes	inglés[3]
Oficiu
Oficiu	actriz, actriz de teatru, actriz de cine
Premios	ver Donaldson Awards Estrella del Paséu de la Fama de Hollywood Premiu Tony a la meyor actriz de repartu nuna obra de teatru  (1954) Óscar a la meyor actriz de repartu  (1954) : East of Eden
Nominaciones	ver BAFTA Award for Most Promising Newcomer to Leading Film Roles (en) (1956): East of Eden Óscar a la meyor actriz de repartu (18 febreru 1956): East of Eden Premiu Tony a la meyor actriz principal nuna obra de teatru (1958)
IMDb	nm0886888

Nacida en Oakland (California), Estaos Xuníos, Van Fleet confirmóse como una notable actriz dramática nel teatru de Broadway mientres dellos años, llegando a ganar un Premiu Tony en 1954 pola so maña con un difícil papel na obra de Horton Foote The Trip to Bountiful, xunto a Lillian Gish y Eva Marie Saint.

El so primer papel pal cine foi la interpretación de la madre de James Dean nel filme East of Eden (1954). Esti debú valió-y a Van Fleet el Óscar a la meyor actriz de repartu. El so posterior trabayu cinematográficu foi bien esporádicu, ya incluyía películes como The Rose Tattoo (La rosa tatuada), I'll Cry Tomorrow (Mañana voi llorar) (dambes de 1955), The King and Four Queens (The King and Four Queens) (1956), Gunfight at the O.K. Corral (Gunfight at the O.K. Corral) (1957), Wild River (Ríu selvaxe) (1960), Cool Hand Luke (Cool Hand Luke) (1967), y I Love You, Alice B. Toklas (1968).

Van Fleet casóse con William Bales en 1946, y el matrimoniu duró hasta'l fallecimientu d'él en 1990. El so fíu foi Michael Bales. Ella finó en Queens, Nueva York, por causes non esclariaes a los 80 años d'edá.

Tien una estrella nel Paséu de la Fama de Hollywood pola so contribución al cine, nel 7000 de Hollywood Boulevard.