Johan Cruyff Arena

El Johan Cruyff Arena (enantes Amsterdam Arena) ye un recintu deportivu allugáu na ciudá d'Ámsterdam (Países Baxos). Destináu principalmente a la práutica del fútbol, ye l'estadiu onde'l Ajax d'Ámsterdam de la Eredivisie, xuega los sos partíos como llocal, amás d'acoyer la mayor parte de los alcuentros internacionales de la seleición neerlandesa.

Johan Cruyff Arena
Johan Cruijff ArenA (nl)
estadiu
Llocalización
País	Reinu de los Países Baxos
País	Países Baxos
Provincia	Holanda Septentrional
Conceyu	Ámsterdam
Coordenaes	52°18′51″N 4°56′31″E
Johan Cruyff Arena Johan Cruyff Arena (Países Baxos)
Historia y usu
Apertura	14 agostu 1996
Orixe del nome	Johan Cruyff
Deporte	fútbol
Usuariu	AFC Ajax
Aforu	54 990
Categoría UEFA	Categoría 4
Arquiteutura
Arquiteutu/a	Rob Schuurman
Costu	96 000 000 €
Web oficial

Inauguráu en 1996, ye'l de mayor capacidá d'Holanda con 52.960 espectadores y ta catalogáu como d'élite (categoría 4), pola UEFA. Foi sede de la Final de la Lliga de Campeones ente'l Real Madrid y la Juventus de Turín en 1998 y foi una de les ocho sedes de la Eurocopa 2000, celebrada en Bélxica y los Países Baxos.

Historia

L'estadiu foi inauguráu oficialmente'l 14 d'agostu de 1996, nun partíu ente'l Ajax y l'AC Milan, que remató 1:4 a favor del equipu italianu. La ceremonia inaugural cuntó cola presencia de la reina Beatriz I de los Países Baxos. D'esta manera, inauguróse'l primer estadiu d'Europa que cuntaba con techu retráctil.

L'estadiu allugó'l 20 de mayu de 1998, la Final de la Lliga de Campeones 1997-98, qu'enfrentó al Real Madrid cola Juventus, con victoria pa los madridistes que vencieron col gol de Predrag Mijatović, 1:0 al equipu italianu.

L'estadiu, foi una de les cuatro sedes neerlandeses de la Eurocopa 2000 y acoyó tres encuentros de la fase de grupos del tornéu (ente ellos la victoria de España ante Eslovenia por 2:1), un partíu de cuartos de final y la semifinal ente la seleición anfitriona de Países Baxos ante Italia.

L'estadiu allugó'l 15 de mayu de 2013, la final de la UEFA Europa League 2012/13, qu'enfrentó al Chelsea Football Club col Benfica, con victoria pa los ingleses que vecieron col gol de Branislav Ivanovic, 2:1 al equipu portugués.

El 25 d'abril de 2017 anuncióse que l'estadiu va camudar de nome, pasándose a llamar "Johan Cruyff Arena" -a la memoria del míticu futbolista-, faciéndose efectivu dende'l 25 d'ochobre.

Arquiteutura

El Amsterdam Arena foi'l primer estadiu d'Europa en cuntar con techu retráctil. Esti techu ta conformáu por dos paneles replegables d'aproximao 400 t cada unu. Los dos paneles, de 40 x 118 m, pueden techar al estadiu en 18 min, gracies a l'ayuda d'ocho motores que dexen el movimientu de la estructura.

L'estadiu tien un palcu real de 50 asientos acondicionaos pa la familia real de la Casa d'Orange-Nassau. La tribuna de prensa tien 230 asientos, de los cualos 122 son pa periodistes de prensa escrita, 50 pa comentaristes deportivos y 52 pa observadores. Amás, l'estadiu cunta con 62 llocalidaes pa discapacitaos y los sos respeutivos invitaos.

El complexu ta construyíu sobre una carretera y cuenta con 12.500 estacionamientos.

Accesu

Interior del estadiu.

El Amsterdam Arena ta allugáu na capital neerlandesa y la so direición ye Arena Boulevard 1, 1101 AX Amsterdam Zuidoost. L'accesu al estadiu puede realizase fácilmente per mediu del tresporte públicu d'Ámsterdam, per mediu de tren, metro o bus.

Les estaciones de tren más cercanes son la estación Duivendrecht, a 15 minutos, y l'estación Bijlmer, a 5 minutos. L'accesu al estadiu por aciu tren foi clasificáu poles autoridaes como "de bon accesu".

Les llinies de bus que tienen dientro del so percorríu al Amsterdam Arena son la 158, 174, 177 y 178.

Tanto la estación Strandvliet como la estación Bijlmer Arena del Metro d'Ámsterdam atópense aproximao a 5 minutos del estadiu y son percorríes peles llinia 50 y 54.

Euru 2000

• El Amsterdam Arena allugó cinco juegos de la Eurocopa 2000.

fecha	-----	Resultáu	-----	Ronda
11 de xunu de 2000	Países Baxos	1-0	Chequia	Grupu D
18 de xunu de 2000	Eslovenia	1-2	España	Grupu C
21 de xunu de 2000	Francia	2-3	Países Baxos	Grupu D
24 de xunu de 2000	Turquía	0-2	Perú	Cuartos de final
29 de xunu de 2000	Países Baxos	0-0 (1-3 pen.)	Italia	Semifinal

Ver tamién

• Estadios de fútbol de los Países Baxos
• Seleición holandesa de fútbol