Jonathan Togo

Jonathan Frederick Togo (25 d'agostu de 1977, Rockland ^(es) ) ye un actor d'Estaos Xuníos.

Jonathan Togo
Vida
Nacimientu	Rockland (es) , 25 d'agostu de 1977 (47 años)
Nacionalidá	Estaos Xuníos
Llingua materna	inglés
Familia
Casáu con	Diora Baird (2013 – )
Estudios
Estudios	Vassar College Hebrew school (en)
Llingües falaes	inglés
Oficiu
Oficiu	actor, actor de teatru, actor de televisión, actor de cine, guionista
IMDb	nm1057047

Biografía

Togo nació en Rockland, Massachusetts, fíu de Sheila, comerciante, y Michael Togo, diseñador gráficu.^[1] La so madre ye d'ascendencia italiana ya irlandesa y el so padre ye xudíu, orixinalmente d'apellíu "Tonkaviev" que foi encurtiáu por unu de los sos ascendientes porque quería da-y un nome pegañosu al so negociu d'alfombres.^[2]

Crióse en Rockland, Massachusetts. De neñu asistió a una escuela hebrea y graduóse del Rockland High School en 1995, onde practicaba la llucha. Jonathan Togo asistió al Project Contemporary Competitiveness, Advanced Study Program, Proyeutu Competitividá Contemporánea, Programa d'Estudios Avanzaos como estudiante, dempués trabayó como procurador en 1991 y 1992. Siguió los sos estudios nel Vassar College, graduándose con un B.A. en Teatru y afitó los sos estudios nel Institutu Nacional de Teatru del Teatru Eugene O'Neil. Cuando taba en Vassar formaba parte de la banda "The El Conquistadors" con Sam Endicott y John Conway, dambos agora miembros de la famosa banda The Bravery.

Carrera

Togo actuó y participó en numberoses obres, incluyendo Our Country's Good. Sicasí, ye más famosu pol so papel en CSI: Miami, serie na qu'interpreta a Ryan Wolfe. Tamién participó n'otros programes de televisión, incluyendo un papel estelar en Special Unit 2, según apaiciones en Judging Amy y tamién fai'l papel d'un alministrativu en Mistic River. En 2008, Togo escribió y dirixó'l so primera serie web, My best friend is my penis pa Atom.com.^[3]