Juan Ignacio Zoido

Juan Ignacio Zoido Álvarez (21 de xineru de 1957, Montellano)^[4] ye un maxistráu y políticu español del Partíu Popular, Ministru del Interior d'España hasta'l 7 de xunu de 2018 y diputáu nel Congresu de los Diputaos d'España por Sevilla. Foi alcalde de Sevilla ente 2011 y 2015,^[5] parllamentariu andaluz ente'l 9 de marzu de 2008 y el 27 de setiembre de 2014,^[6] y presidente del PP d'Andalucía ente'l 14 de xunetu de 2012^[7] y el 1 de marzu de 2014.^[8] El 27 d'ochobre de 2017, en virtú del artículu 155 de la Constitución Española asumió la cartera de Conseyeru d'Interior de la Generalitat de Cataluña.^[9]

Juan Ignacio Zoido
eurodiputáu 16 xunetu 2024 - Distritu: España Eleiciones: eleiciones al Parllamentu Européu de 2024 eurodiputáu 2 xunetu 2019 - Distritu: España Eleiciones: eleiciones al Parllamentu Européu de 2019 n'España ministro del Interior (es) 4 payares 2016 - 7 xunu 2018 ← Jorge Fernández Díaz - Fernando Grande-Marlaska → Diputáu nel Congresu de los Diputaos d'España 12 xunetu 2016 - 21 mayu 2019 Distritu: Sevilla Eleiciones: eleiciones al Congresu de los Diputaos de 2016 Diputáu nel Congresu de los Diputaos d'España 2 xineru 2016 - 19 xunetu 2016 Distritu: Sevilla Eleiciones: eleiciones xenerales d'España de 2015 presidente 14 xunetu 2012 - 1r marzu 2014 ← Javier Arenas Bocanegra - Juan Manuel Moreno → presidente 11 xunu 2011 - 23 xunetu 2012 ← Pedro Castro Vázquez - Íñigo de la Serna → alcalde de Sevilla 11 xunu 2011 - 13 xunu 2015 ← Alfredo Sánchez Monteseirín - Juan Espadas Cejas → diputáu del Parllamentu d'Andalucía 9 marzu 2008 - 27 setiembre 2014 Distritu: Sevilla conceyal del Conceyu de Sevilla 16 xunu 2007 - 4 payares 2016 delegado del Gobierno en Andalucía (es) 2 agostu 2002 - 17 abril 2004 ← José Torres Hurtado - José Antonio Viera Chacón → delegado del Gobierno en Castilla-La Mancha (es) 27 abril 2000 - 2 agostu 2002 ← Carlos Moro Moreno - María Encarnación Naharro de Mora →
Vida
Nacimientu	Montellano, 21 de xineru de 1957 (68 años)
Nacionalidá	España [1]
Estudios
Estudios	Universidá de Granada Universidá de Sevilla
Nivel d'estudios	llicenciatura en Derechu
Llingües falaes	castellanu
Oficiu
Oficiu	políticu, xuez, abogáu
Llugares de trabayu	Sevilla
Premios	ver Cruz Distinguida de Segunda Clase de la Orden de San Raimundo de Peñafort Gran Oficial de la Orden del Infante Don Enrique  (2014) [2] Gran Cruz de la Orde de Carlos III  (2018)
Creencies
Relixón	catolicismu[3]
Partíu políticu	Partido Popular

Orixe y formación

El so padre, Florentino Zoido Risco, tenía un obrador en Fregenal de la Sierra, llamáu Fíos de Manuel Risco, al qu'en 1879 foi-y apurrida la mención de provisor de la Casa Real por Alfonso XII.^[4] Juan Ignacio nació en Montellano, porque la so madre, Catalina Álvarez Sanz, decidiría tener a los sos dos primeros fíos na so llocalidá natal.^[4] Empieza a estudiar derechu na Universidá de Granada n'Almería^[10] y prosigue los sos estudios na Universidá de Sevilla.^[11] Termina los sos estudios en 1979, añu en que viaxa a Cuetu Muriano a realizar el serviciu militar obligatoriu.^[12] Darréu ye treslladáu a la Xefatura d'Artillería de la Segunda Rexón Militar.^[13] Va Ser nomáu escolta del xeneral Giráldez y depués del xeneral De La Calzada.^[13] Tres el serviciu militar prepárase les oposiciones a la judicatura.^[14]

Trayeutoria profesional

Zoido nun actu del Grupu Joly.

La so trayeutoria profesional empieza en 1983 como xuez d'ascensu destináu nel Xulgáu de Distritu de Petón de Lanzarote (Les Palmes). Un añu dempués, ye promovíu a xuez d'ascensu y destináu al Xulgáu de primera Instancia ya Instrucción d'Utrera (Sevilla). En 1987 apuerta a la condición de maxistráu, empecipiando la so nueva etapa profesional nel Xulgáu de primera Instancia ya Instrucción número Trés de La Laguna (Tenerife). Torna a Andalucía en 1987, por concursu de treslláu, destináu al Xulgáu de primera Instancia nᵘ 7 (Familia) de Sevilla. Al crease en Sevilla los Xulgaos de lo Penal, por real decretu de 17 de payares de 1989, pasó a ocupase del Xulgáu nᵘ 7. El 23 d'ochobre de 1992 ye nomáu xuez decanu de los Xulgaos de Sevilla escoyíu na Xunta Xeneral de Xueces. Pasa a ser miembru de la Sala de Gobiernu del Tribunal Cimeru de Xusticia d'Andalucía y, hasta 1996, direutor xeneral de Rellaciones cola Alministración de Xusticia.

Trayeutoria política

El 24 de mayu de 1996, Juan Ignacio Zoido ye nomáu direutor xeneral de Rellaciones cola Alministración de Xusticia con Margarita Mariscal de Gante como ministra. En 2000 ye nomáu delegáu del Gobiernu en Castiella-La Mancha hasta l'añu 2002, cuando torna a Andalucía como delegáu del Gobiernu. En 2004 pasó a ser secretariu xeneral del Partíu Popular n'Andalucía, cargu qu'ostenta hasta 2006, vocal de congresu del Comité Executivu Rexonal, amás de ser vocal electu del Comité Executivu Nacional. Tamién ye voceru del Partíu Popular nel Conceyu de Sevilla, diputáu autonómicu, presidente de la Comisión de Cultura del Parllamentu d'Andalucía y miembru electu del Comité Executivu Nacional del Partíu Popular. El 22 de mayu de 2011 ganó les eleiciones a l'alcaldía de Sevilla con mayoría absoluta, llogrando 20 conceyales de los 33 que formen el consistoriu,^[15] siendo investido el día 11 de xunu de 2011, colos votos de los conceyales del so partíu,^[16] cargu pal que nun foi reelixíu en 2015. El 4 de payares de 2016 foi nomáu ministru d'Interior.^[17]

Otros cargos non profesionales

• Tutor de Derechu Civil mientres el Cursu 1983-1984 nel Centru Acomuñáu de Lanzarote de la Universidá Nacional d'Educación a Distancia.
• Collaborador nel Conveniu de práutiques suscritu ente'l Conseyu Xeneral del Poder Xudicial y la Universidá de Sevilla. Años 1988-1989 y 1989-1990.
• Collaborador nel máster del Institutu Internacional de San Telmo de Sevilla.
• Miembru del Conseyu Cimeru de Seguridá Vial. 1996-2000.
• Miembru de la Comisión Mista del Conseyu Xeneral del Poder Xudicial. Ministeriu de Xusticia. 1996-2000.

Honores

• Cruz distinguida de segunda clase de la Orde de San Raimundo de Peñafort, concedida mientres yera Xuez de primera Instancia ya Instrucción d'Utrera (Sevilla).
• Gran oficial de la Orde del Infante Don Enrique. Distinción concedida'l 3 d'avientu de 2014 por facilitar un meyor llume artístico pal Pabellón de Portugal de la Esposición Iberoamericana de 1929.^[18]

Publicaciones

• Conferencia Universidá Pontificia de Salamanca. Escuela Cimera de Ciencies de la Familia de Sevilla: "Cómo la llexislación encara les distintes situaciones actuales de la pareya”. Marzu de 1993.
• Conseyu Xeneral del Poder Xudicial. Cuadiernos de derechu xudicial. La nueva delincuencia I: “Proteición penal de los consumidores”. 1993.
• Conseyu Xeneral del Poder Xudicial. Cuadiernos de derechu xudicial. La responsabilidá civil deriváu del delitu del dañu, arriquecimientu, perxuiciu y la valoración del dañu corporal: “Valoración de la vida ya integridá física”. 1994.

Predecesor: Carlos Moro	Delegáu del Gobiernu Delegáu del Gobiernu d'España en Castiella-La Mancha 2000-2002	Socesor: Encarnación Naharro
Predecesor: José Torres Hurtado	Delegáu del Gobiernu Delegáu del Gobiernu d'España n'Andalucía 2002-2004	Socesor: José Antonio Viera Chacón
Predecesor: Antonio Sanz	Secretariu xeneral del Partíu Popular d'Andalucía 2004-2006	Socesor: Antonio Sanz
Predecesor: Alicia Martínez	Vocera del Grupu Popular nel Conceyu de Sevilla 2007-2011	Socesor: Juan Bueno
Predecesor: Alfredo Sánchez Monteseirín	Alcalde de Sevilla 2011-2015	Socesor: Juan Espadas
Predecesor: Pedro Castro Vázquez	Presidente de la FEMP 2011-2012	Socesor: Íñigo de la Serna
Predecesor: Javier Arenas	Presidente del Partíu Popular d'Andalucía 2012-2014	Socesor: Juan Manuel Moreno Bonilla
Predecesor: Juan Bueno	Vocera del Grupu Popular nel Conceyu de Sevilla 2015-2016	Socesor: Gregorio Serrano
Predecesor: Jorge Fernández Díaz	Ministru del Interior d'España 2016-2018	Socesor: Fernando Grande-Marlaska