Juan Pablo Colinas

Juan Pablo Colinas Ferreras (2 de setiembre de 1978, Lleón), más conocíu como Juan Pablo ye un ex-futbolista español que xugaba de porteru. Na temporada 2022-2023 formó parte del cuadru técnicu del Real Sporting de Xixón, faciendo d'entrenador de porteros^[2], hasta que dexó'l cargu en xineru de 2023^[3].

Juan Pablo Colinas
Vida
Nacimientu	Lleón, 2 de setiembre de 1978[1] (47 años)
Nacionalidá	España
Estudios
Llingües falaes	castellanu
Oficiu
Oficiu	futbolista
Trayeutoria   Equipu 2017–2018 AEK Larnaca F.C. 2016–2016 Club Deportivo Numancia de Soria 2013–2015 Maccabi Tel Aviv F.C. (en) 61 (0) 2009–2013 Real Sporting de Xixón 120 (0) 2008–2009 Club Deportivo Numancia de Soria 37 (0) 2007–2008 Club Deportivo Tenerife 29 (0) 2005–2007 Club Deportivo Numancia de Soria 70 (0) 2002–2005 Deportivo Alavés 15 (0) 2000–2002 Deportivo Alavés B (en) 69 (0)
Posición o especialidá	porteru
Pesu	85 kg
Altor	187 cm

Trayeutoria

Formáu nes categoríes inferiores de la Cultural Llionesa, darréu fichó pol filial del Deportivo Alavés. La temporada 2002-03 foi'l suplente de Richard Dutruel nel primer equipu, anque tuvo la oportunidá d'apostar cinco partíos en Primer División.^[4] El so debú na máxima categoría foi'l 22 de setiembre de 2002, ante'l Villarreal CF.

Militó nel Alavés dos temporaes más, en Segunda División, y como porteru suplente. A pesar del ascensu la temporada 2006-07, abandonó'l club vitoriano y siguió en Segunda en roblando pol CD Numancia. Nel club de Soria xugó dos temporaes como porteru titular.

En rematando si contratu, fichó pol CD Tenerife el branu de 2007. Nel club chicharreru empezó la temporada como titular, anque nel trechu final foi apostráu al banquín por Raúl Navas. Ante esta situación, rescindió l'añu de contratu que tenía pendiente col Tenerife y aceptó una ufierta pa tornar al CD Numancia, acabante xubir a Primer División.^[5]

En 2009 el porteru robla por trés temporaes pol Real Sporting de Xixón en desvenceyándose del CD Numancia. El Real Sporting va pagar ente 300.000 y 600.000 euros al Numancia pol so trespasu que llega cola función d'engarra-y el puestu al porteru titular Iván Cuéllar.

Clubes

Club	País	añu
Deportivo Alavés B	España	2000-2002
Deportivo Alavés	España	2002-2005
CD Numancia	España	2005-2007
CD Tenerife	España	2007-2008
CD Numancia	España	2008-2009
Real Sporting de Xixón	España	2009-2013
Maccabi Tel Aviv F. C.	Israel	2013-2015
C. D. Numancia de Soria	España	2016
AEK Larnaca	Chipre	2017-2018