Juana de Ibarbourou

Juana de Ibarbourou (nacida Fernández Morales, tamién conocida como Juana d'América, 8 de marzu de 1892, Melo – 15 de xunetu de 1979, Montevidéu), foi una poeta uruguaya. El 10 d'agostu de 1929 recibió, nel Salón de los Pasos Perdíos del Palaciu Llexislativu, el títulu de «Juana d'América» concedíu por Juan Zorrilla de San Martín frente a munchos poetes y personalidaes. Foi soterrada con honores de Ministru d'Estáu nel panteón de la so familia del Campusantu del Buceo.^[6]

Juana de Ibarbourou
Vida
Nacimientu	Melo, 8 de marzu de 1892[1]
Nacionalidá	Uruguái [2]
Muerte	Montevidéu, 15 de xunetu de 1979[1] (87 años)
Sepultura	Cementerio del Buceo (es)
Causa de la muerte	infartu de miocardiu
Estudios
Llingües falaes	castellanu[3]
Oficiu
Oficiu	escritora, poeta
Premios	ver Orde del Sol de Perú  (1938) Orde de la Cruz del Sur  (1945) Condecoración Protector de los Pueblos Libres General José Artigas  (1975) [4]
Nominaciones	ver Premiu Nobel de Lliteratura (1959)[5] Premiu Nobel de Lliteratura (1960)[5] Premiu Nobel de Lliteratura (1963)[5]
Miembru de	Real Academia Gallega
Xéneru artísticu	poesía poesía lírica (es)

Biografía

Nació en 1892, anque ella proclamaba que foi en 1895. El so nome yera Juana Fernández Morales, pero adoptó l'apellíu del so home Lucas Ibarbourou como nome artísticu, con quien se casó a los venti años. El so padre, Vicente Fernández, español de Galicia, nació en Lorenzana —provincia de Lugo—; la so biblioteca municipal lleva'l nome de la poeta. La so madre, Valentina Morales, pertenecía a una de les families españoles más antigües d'Uruguái.

El 3 d'ochobre de 1947 foi escoyida para sentase nun sillón n'Academia Nacional de Lletres d'Uruguái.^[6] En 1950 foi designada para presidir la Sociedá Uruguaya d'Escritores. Cinco años más tarde foi premiada nel Institutu de Cultura Hispánica de Madrid pola so obra. En 1959 concedióse-y el Gran Premiu Nacional de Lliteratura, dau esi añu per primer vegada. Foi tamién miembru de la Real Academia Gallega.