Kappa Herculis B
From Wikipedia, the free encyclopedia
Remove ads
Coordenaes: 
16h 8m 4.946s, 17° 3′ 15.701″
Kappa Herculis B (κ Herculis B / 7 Herculis B / HD 145000 / HR 6009) ye una estrella na constelación d'Hércules de magnitú aparente +6,23.[8] Visualmente separada 27 segundos d'arcu de Kappa Herculis A, anguaño piénsase que les dos estrelles nun tán físicamente rellacionaes, constituyendo una doble óptica, esto ye, a cencielles atópense na mesma llinia de visión. Ente que Kappa Herculis B alcuéntrase a 471 años lluz del Sistema Solar, Kappa Herculis A tópase a 388 años lluz. Les dos estrelles reciben dacuando'l nome de Marsik[9] o Marsic[10] —«el coldu» n'árabe, pola so posición na figura del héroe—, utilizáu tamién pa designar a λ Ophiuchi, esta postrera más conocida como Marfik.
Kappa Herculis B ye una xigante naranxa de tipu espectral K2III[8] con una temperatura superficial de 4650 K. La so lluminosidá ye 70 vegaes mayor que la lluminosidá solar y tien un diámetru 13 vegaes más grande que'l del Sol. Tien una metalicidá un 30% superior a la del Sol y, con una masa de 2,5 mases solares, la so edá envalórase en 700 millones d'años. Tanto'l so conteníu metálico como la so edá difieren de los de Kappa Herculis A, acotando'l fechu de que dambes estrelles nun tán gravitacionalmente xuníes.[10]
Remove ads
Referencies
Wikiwand - on
Seamless Wikipedia browsing. On steroids.
Remove ads