Katsuwonus pelamis

El futbolista^[1] (Katsuwonus pelamis) ye una especie de pexes de la familia Scombridae nel orde de los Perciformes.

Katsuwonus pelamis futbolista
Clasificación científica
Reinu:	Animalia
Filu:	Chordata
Clas:	Actinopterygii
Subclas:	Neopterygii
Infraclas:	Teleostei
Superorde:	Acanthopterygii
Orde:	Perciformes
Suborde:	Scombroidei
Familia:	Scombridae
Xéneru:	Katsuwonus
Especie:	K. pelamis
Consultes
[editar datos en Wikidata]

"Katsuo non Tataki"

Morfoloxía

Ye un pexe fusiforme y robusto. Tien tres aletes dorsales, con una curtia distancia ente elles. Tres la segunda aleta dorsal y l'aleta añal dispón de 7 a 9 pínulas. Les pectorales son curties, nun devasando la vertical del puntu mediu de la primera dorsal. Nel pedúnculu caudal presenta una quilla a cada llau.

Coloración: Envés azul escuru; lladrales y banduyu platiaos, con 4 a 6 llinies llonxitudinales escures.

• Los machos pueden llegar algamar los 110 cm de llargor total y los 34,5 kg de pesu.

Distribución xeográfica

Ye una especie cosmopolita en mares y océanos tropicales y templaos, sacante'l Mediterraneu oriental y el Mar Negru. Habita n'agües superficiales, mariniegues y oceániques formando cardúmenes; dacuando avérase enforma a la mariña. Especie migratoria qu'apaez en Canaries en primavera-seronda apurriendo'l mayor volume de captures de túnidos dichu archipiélagu. Los métodos de pesca son anzuelu con cebu vivu, pluma, curricán^[2]

Gastronomía

Ye un tipu de pexe cola carne firme, colorada y bien prestosa al cielu la boca. Cortáu en filetes frescos, una manera de preparar ye al caricote o, a planchar.

Ye un pexe bien apreciáu nel Xapón onde se conoz como katsuo (カツオ o bien 鰹), nome que dio orixe al xéneru Katsuwonus. La so carne cómese cruda, curada o cocinada, tamién s'aprecien les tripes.

Con esti pexe prepara'l "katsuo non shiokara", una pasta (shiokara) que tien un sabor que recuerda a les anchoes salaes de la cocina mediterránea, pero con una testura bien distinta. Otru platu típicu del área de Kochi ye'l llamáu "katsuo non tataki", que se preparar pasando pola llapada'l coroncoro y acompañándolo de cebolleta, gengibre, ayu y Ponzu.

Esti pexe tamién s'utiliza pa faer los "Katsuobushi" (forgaxes d'atún afumáu y ensugáu), bien importantes como condimento de bien de platos de la cocina xaponesa, como'l dashi (だし), caldu de pexe fundamental na mesa del país del sol naciente.