Kersti Kaljulaid
From Wikipedia, the free encyclopedia
Remove ads
Kersti Kaljulaid (30 d'avientu de 1969, Tartu (es) 
) ye una política estonia, presidenta d'Estonia dende 2016.[8] Enantes foi representante del país bálticu nel Tribunal de Cuentes Européu (2004-2016).
.png){kind=small}
Remove ads
Biografía
Kersti Kaljulaid nació en Tartu (RSS d'Estonia, entós parte de la Xunión Soviética) en 1969. En completando la educación secundaria en Tallin, tornó a la so ciudá natal pa estudiar Bioloxía na Universidá de Tartu, con una llicenciatura cum laude pola promoción de 1992. Siete años más tarde completaría la so formación con una Maestría n'Alministración de Negocios nel mesmu centru.[9]
Ente 1996 y 1997 tuvo trabayando de comercial de ventes na empresa de telecomunicaciones Eesti Telefon, y dempués foi contratada pol bancu Eesti Hoiupank como xestora de negocios. Cuando la entidá foi absorbida por Hansabank en 1998, Kersti foi xubida al departamentu de banca d'inversión y permaneció ellí hasta 1999.[9]
Kaljulaid ye falante nativa d'estoniu y puede caltener conversaciones n'inglés, alemán, rusu y finés.[10]
Remove ads
Trayeutoria política
En 1999, el primer ministru Mart Laar contrató a Kaljulaid por que formara parte del equipu estatal d'asesores económicos. Anque de primeres yera una funcionaria ensin vinculación política, dende 2001 tuvo afiliada a la conservadora Unión Pro Patria (Isamaaliit). Cola llegada al gobiernu de Siim Kallas en 2002, encamentaríase-y la direición de la central llétrica de Iru.[10]
Cuando Estonia ingresó na Xunión Europea en mayu de 2004, Kaljulaid foi nomada representante del país nel Tribunal de Cuentes Européu en Luxemburgu, del que formaría parte hasta 2016.[9] Dende esa institución supervisaría asuntos como la concesión de fondos estructurales, el control del dineru destináu a la Política Agrícola Común, y l'auditoría del Europol. Dende 2006 hasta 2008 foi presidenta del Comité Alministrativu del organismu.[10]
En 2011, Kaljulaid foi nomada miembru del Conseyu Rector de la Universidá de Tartu.
Remove ads
Presidencia d'Estonia
Kersti Kaljulaid ye presidente d'Estonia dende'l 10 d'ochobre de 2016.[8]
La eleición de Kaljulaid foi frutu d'una candidatura de consensu. Dempués de que'l Riigikogu y el Comité Eleutoral fueren incapaces d'escoyer al sustitutu de Toomas Hendrik Ilves, los diputaos más veteranos de la cámara suxirieron la candidatura de la funcionaria europea. De vuelta al parllamentu, Kaljulaid superó la mayoría de dos tercios necesaria gracies a 81 votos (de 101 posibles) y convirtióse asina na primer muyer qu'ostenta la xefatura del Estáu n'Estonia, según na más nueva n'aportar al cargu con 46 años.[10]
Distinciones honorífiques
Distinciones honorífiques estonies
Collar de la Orde del Escudu d'Armes Nacional (10/10/2016).
Distinciones honorífiques estranxeres
Dama Gran Cruz con Collar de la Orde de la Rosa Blanca (República de Finlandia, 07/03/2017).[11]
Dama Gran Cruz de la Orde del Lleón Neerlandés (Reinu de los Países Baxos, 12/06/2018).
Referencies
Enllaces esternos
Wikiwand - on
Seamless Wikipedia browsing. On steroids.
Remove ads