Kirguistán
From Wikipedia, the free encyclopedia
Remove ads
Kirguistán[15] (en llingua kirguís Кыргызстан; en rusu Киргизия), nomáu oficialmente República Kirguistanina ye un país d'Asia central. Montañosu y ensin accesu al mar, llenda con Kazakstán al norte, Uzbequistán al oeste y suroeste, Taxiquistán al suroeste y China al este. La so capital y ciudá principal ye Biskek.
.svg)
Los rexistros escritos de la zona estiéndense per dos milenios, nos que'l so territoriu acoyó estremaes cultures ya imperios. Magar que ta xeográficamente aislláu y a lo montañosu del so territoriu, qu'axudó a que se conservara la so cultura ancestral, Kirguistán tien sío llugar de cruce de caminos de delles grandes civilizaciones al formar parte de la Ruta de la Seda y otres rutes comerciales y culturales. La so población tradicional, organizada en tribus y clanes que llograron caltener la so independencia demientres llargos periodos de tiempu, viose sometida periódicamente a reinos ya imperios foriatos, y namái llogró la so independencia como nación-estáu tres de l'esbarrumbe de la Xunión Soviética en 1991.
De magar, Kirguistán tien organizáose políticamente como una república parllamentaria xunitaria. Nostante, sigue habiendo conflictos étnicos y políticos que nun permiten algamar la estabilidá económica. La mayoría de los sos 5,7 millones d'habitantes son d'etnia kirguís, con minoríes importantes d'uzbekos y ruso. La llingua kirguís, asemeyada a otres túrquiques, comparte espaciu col rusu, faláu pola mayoría de la población y que sigue siendo la llingua oficial. No que cinca a la relixón, la gran mayoría de la so población ye musulmana. La cultura kirguís amiesta elementos d'orixe túrquicu con otros perses, mongoles y rusos.
Remove ads
Historia
Xeografía
Economía
Referencies
Enllaces esternos
Wikiwand - on
Seamless Wikipedia browsing. On steroids.
Remove ads