Klement Gottwald

Klement Gottwald (23 de payares de 1896, Dědice ^(en)  – 14 de marzu de 1953, Praga) foi un destacáu políticu comunista checoslovacu, qu'a lo llargo de la so carrera ocupó los cargos Secretariu Xeneral y líder del Partíu Comunista de Checoslovaquia (1929-1953), Primer Ministru (1946-1948) y Presidente de la República (1948-1953).

Klement Gottwald
Presidente de Checoslovaquia 14 xunu 1948 - 14 marzu 1953 ← Edvard Beneš - Antonín Zápotocký → Prime Minister of Czechoslovakia (en) 2 xunetu 1946 - 15 xunu 1948 ← Zdeněk Fierlinger - Antonín Zápotocký → secretario general del Partido Comunista de Checoslovaquia (es)
Vida
Nacimientu	Dědice (en) [1], 23 de payares de 1896[2]
Nacionalidá	Checoslovaquia
Residencia	Birthhouse of Klement Gottwald in Dědice (en)
Muerte	Praga[3], 14 de marzu de 1953[2] (56 años)
Sepultura	Cementerio de Olšany (es) [4]
Causa de la muerte	infartu de miocardiu
Familia
Casáu con	Marta Gottwaldová (1928 – 1953)[5]
Fíos/es	Marta Čepičková
Familia	ver Alexej Čepička (xenru)
Estudios
Llingües falaes	checu[6]
Oficiu
Oficiu	políticu
Premios	ver honorary citizen of Třebíč [7] Order of February 25, 1st class [8] honorary citizen of Polná honorary citizen of Blovice Gran Cruz de la Orde Polonia Restituta Order of 9 September 1944 honorary citizen of České Budějovice honorary citizen of Liberec Order of Socialism ciudadanu honorariu de Praga Orden de la Construcción de la Patria Socialista Ciudadano honorario de Pilsen  (1946) [9] honorary citizen of Chrudim  (22 payares 1946) [10]
Serviciu militar
Lluchó en	Primer Guerra Mundial
Creencies
Partíu políticu	Partido Comunista de Checoslovaquia (es)
IMDb	nm0332084

Biografía

Mientres la Primer Guerra Mundial Gottwald lluchó encuadráu nel Exércitu Austrohúngaru.^[11]

Fundador del Partíu Comunista de Checoslovaquia (KSC) en 1921, hasta 1926 foi l'editor del so órganu Rudé právo y lliberáu n'Eslovaquia. Miembru del Comité Central dende 1925, foi Presidente de la Comisión Central Política y de Propaganda (1926-1929), diputáu (1929-1948) y Secretariu de la Internacional Comunista (1935-1943).

Mientres la ocupación nazi del país (1938-1945) se exilió na Xunión Soviética, dende onde siguió dirixendo'l Partíu. En marzu de 1945, Edvard Beneš, Presidente electu de Checoslovaquia (1935-1938) y líder del Gobiernu Checoslovacu nel Exiliu en Londres dende 1941, aportó a formar un gobiernu de coalición basáu nel Frente Nacional xunto a Gottwald. Electu miembru del primer gobiernu checoslovacu de posguerra tres les eleiciones de 1946, nes cualos los comunistes yeren el partíu más votáu, Gottwald foi nomáu Primer Ministru.^[12]

El 9 de mayu de 1948, tres el Golpe de Praga de febreru d'esi añu que llevó al Partíu Comunista al poder, l'Asamblea Nacional aprobó una nueva carta magna (la Constitución del 9 de mayu). El Presidente Benes refugó roblar la nueva llexislación y dimitió el 7 de xunu (morrería tres meses dempués). El 14 de xunu, el parllamentu escoyó a Klement Gottwald como Presidente del país.^[11] Lleal estalinista, dirigó les nacionalizaciones de la industria y la coleutivización de l'agricultura. Ante les primeres resistencies a la influencies del Partíu Comunista de la Xunión Soviética (PCUS) na política checoslovaca Gottwald socatró una serie de purgues, primero cesando a los dirixentes non comunistes y más tarde a importantes dirixentes del KSC como'l so Secretariu Xeneral, Rudolf Slansky, o'l Ministru d'Asuntos Esteriores, Vlado Clementis, executaos tres los Xuicios de Praga de 1951.

Gottwald finó en 1953,^[13] tan solu cinco díes dempués d'asistir al funeral de Stalin en Moscú, el 9 de marzu. Morrió por cuenta de la obstrucción d'una arteria productu d'un enllargáu infartu. Foi releváu como Presidente de la República por Antonín Zápotocký, Primer Ministru dende 1948 y como líder del Partíu por Antonín Novotný. Darréu dar# en embalsamar el so cádaver y empezaron les obres p'alza-y un mausoléu nel llugar del monumentu a Jan Žižka nel distritu Žižkov de Praga. L'embalsamamientu nun dio resultancia y la momia descompúnxose, polo que foi incineráu en 1962.

Homenaxes póstumos

Celebración del Día Internacional de la Infancia de 1949, en Budapest, Hungría. La semeya amuesa la delegación de Checoslovaquia a la izquierda ye una semeya Gottwald, a la derecha de Stalin.

Dellos llugares fueron renombraos nel so honor: Zlín, ciudá de Moravia, foi renombrada Gottwaldov ente 1949 y 1990; Zmiiv, ciudá del Óblast de Kharkiv n'Ucraína, foi renombrada Hotvald (1976-1990); la Plaza de la Llibertá de Bratislava (capital de Eslovaquia) foi renombrada "Plaza de Gottwald". Tamién se renombró una condecoración, que pasó a llamase Orde de Klement Gottwald pola Construcción de la Patria Socialista.

Ver tamién

• Historia de Checoslovaquia
• Orde de Klement Gottwald
• Partíu Comunista de Checoslovaquia
• República Socialista de Checoslovaquia