Krysten Ritter
From Wikipedia, the free encyclopedia
Remove ads
Krysten Alyce Ritter (16 d'avientu de 1981, Bloomsburg (es) 
) ye una actriz y modelu d'Estaos Xuníos.
_(edited).jpg)
Remove ads
Remove ads
Biografía
Nació'l 16 d'avientu de 1981 na ciudá de Shickshinny, Pennsylvania, Estaos Xuníos d'América. Ritter creció nuna granxa ganadera cerca de Shickshinny (Pensilvana), onde la so madre, el so padrastru y la so hermana, inda viven; ente que'l so padre vive cerca de Benton. L'actriz nun tien rellación de parentescu col yá fináu actor John Ritter.
Foi afayada a la edá de 15 años, por un axente de modelos, mientres pasiaba pel centru comercial del so pueblu natal. Krysten afirmó que pa la dómina yera "alta, desgarbada, cabileña y bien, pero bien delgada". Mientres la preparatoria, nos sos díes llibres, empezó a viaxar a la ciudá de Nueva York pa faer de modelu tantu nesa ciudá como en Pennsylvania. Darréu robló contratos coles famoses axencies Elite Model Management y más tarde con Wilhelmina Models.[2]
A los 18 establecióse definitivamente en Nueva York y empezó una carrera internacional como modelu, tantu en gráfica como en televisión; realizó trabayos pa revistes y catálogos, y desfiló nes pasareles de Nueva York, Milán, París y Tokiu, mientres los siguientes 5 años. Foi entós cuando llamó l'atención de la División Actores de Wilhelmina Models, que la escoyó pa realizar un comercial de Dr. Pepper.
El so pasu escontra l'actuación diose entós naturalmente y Krysten empezó a tomar lleiciones cola prestixosa preparadora d'actores, Marjorie Ballentine. A partir de 2001 empezó a actuar profesionalmente y el so primer papel foi interpretando precisamente a una modelu (anque ensin figurar nos creitos), nel llargumetraxe "Daquién como tu" (2001), protagonizáu por Ashley Judd, Greg Kinnear y Hugh Jackman. Dos años más tarde interpretó a una estudiante d'arte en "Mona Lisa Smile" (2003), que'l so repartu encabezaron Julia Roberts, Kirsten Dunst y Julia Stiles.
Mientres esos años, Krysten llogró distintos papeles secundarios en series televisives como "Law & Order (Law & Order)", "Tanner on Tanner" o "The Bedford Diaries". Participó na segunda temporada de "Verónica Mars" nel papel de Gia Goodman, la fía de Woody Goodman (Steve Guttenberg). Foi tamién artista convidada en "Gilmore Girls" ente 2006 y 2007, nel rol de Lucy, l'amiga de Rory Gilmore (Alexis Bledel). Otra de les sos interpretaciones foi la de Allison Stark na sitcom de Fox, "Til Death".
Ritter siguió la so carrera cinematográfica, trabayando en distintos llargumetraxes, de cutiu nel papel de l'amiga de la protagonista; asina ye como tuvo roles de soporte nes comedies "What Happens in Vegas.." y "27 bodes", dambes de 2008; que siguieron con "Confesiones d'una compradora compulsiva" (2009), onde interpretó a Suze, la meyor amiga del personaxe protagonista d'Isla Fisher y "Nin en suaños" caracterizando a Patty, la cínica amiga de Molly (Alice Eve).[3]
Nos últimos años Krysten siguió la so prometedora carrera tantu en cine como en televisión. Les sos actuaciones nesti postreru mediu inclúin un co protagónico na serie "Woke Up Dead", onde interpretó a Cassie; tamién foi Jane Margolis en "Breaking Bad" y Lilly en "Gravity". Trabayó nuna serie de comedia emitida pola cadena ABC llamada "Apartment 23" na qu'interpretó a Chloe, una estraña y ladina moza neoyorquina que comparte'l so apartamentu cola inocente pueblerina, June (Dreama Walker) y meyor Amiga d'una versión ficticia de James Van Der Beek.
Tamién completó dellos proyeutos cinematográficos. Ente ellos coprotagonizó con Alicia Silverstone la comedia romántica d'Amy Heckerling, "Vamps" (2011); tamién encabezó'l repartu del drama "Refuge" (2012); secundó a Christian Slater, na película de fantasía "Lives" (2011) y protagonizó la comedia romántica "Audrey Hepburn's Neck" (2011), secundada pol so actual pareya, l'actor Brian Geraghty.
Remove ads
Filmografía
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads