La Mata (Grau)

La Mata^[2] ye una parroquia de la zona septentrional del conceyu asturianu de Grau. Llenda al este cola de Samartín, al N-NE cola de Peñaflor, al oeste coles d'El Freisnu y Grau y al sur coles de Pereda y Rañeces. Tien una estensión de 12,49 km²^[3] y abarca los nucleos de población d'Alcubiella, La Cai, Campulvalle, El Carbaín, Las Corradas, Cuetu, Entelafonte, Entelaiglesia, Entelosríos, La Espina, L'Aspriella, Las Ferreras, El Xabiel, Llantrales, El Mirín d'Arriba, Picalgallu, El Pozancu, Prioutu, El Rebollal, El Regueiru, El Rellán, Ribiellas, El Rodacu, Santu Dolfu, Sobroveiga, El Xorru, La Zurraquera, La Casona y El Mirín d'Abaxu. Nellos viven 488 persones (2024)^[4].

La Mata
Alministración
País	España
Autonomía	Principáu d'Asturies
Provincia	provincia d'Asturies
Conceyu	Grau
Partíu xudicial	Grau
Tipu d'entidá	parroquia d'Asturies
Xeografía
Coordenaes	43°22′50″N 6°03′48″W
La Mata La Mata (Asturies)
Superficie	12.49 km²
Altitú	62 m[1]
Llenda con	Grau, Peñaflor, Samartín, Rañeces, Pereda, El Freisnu y San Xuan
Demografía
Población	488 hab. (2024)
Porcentaxe	5.04% de Grau
Densidá	39,07 hab/km²
Más información
Estaya horaria	UTC+01:00

Nel llugar de Santu Dolfu alcuéntrase la ilesia de Santolaya. Aparez mención d'ella yá nel sieglu XI, anque'l templu actual, de nave única y cabecera recta, ye de traza románica (sieglu XIII). Pese a ello, lo qu'anguaño vemos ye, mayormente, fecho nel XVIII. Dientru de la ilesia hai un sarcófagu que, según la lleenda, agospiaba'l cuerpu de Santu Dolfu (San Ataúlfo en castellanu), obispu de Santiago de Compostela a finales del sieglu IX que, al ser acusáu de tener tratos colos moros, foi llamáu a cuentes pol rei Bermudu II, que d'aquella paraba n'Uviéu. De la que volvía, llibre de culpa, pa la so sede episcopal, morrió en La Mata, y ellí foi enterráu. El so sepulcru foi llugar de peregrinación demientres los sieglos medievales y modernos, hasta que'l cultu al so cuerpu foi prohibíu pol obispu Agustín González Pisador a finales del sieglu XVIII. Anguaño yá naide honra al santu, y namái que queda la lleenda, que foi recoyida pol padre Luis Alfonso de Carvallo nel so llibru Antigüedades y cosas memorables del Principado de Asturias (primer edición en 1695).

Otramiente, nel barriu d'El Cai s'alcuentra'l Viveru Forestal de La Mata. Esti ye propiedá del gobiernu del Principáu d'Asturies, y tien como misión suministrar plantones pa les repoblaciones que fai l'alministración autonómica.

Llocalidaes

Nᵘ	Nome	Población	% población La Mata (Grau)
1	Alcubiella	24	4,924,92%
2	La Cai	32	6,566,56%
3	Campulvalle	18	3,693,69%
4	El Carbaín	3	0,610,61%
5	Las Corradas	8	1,641,64%
6	Cuetu	14	2,872,87%
7	Entelafonte	14	2,872,87%
8	Entelaiglesia	12	2,462,46%
9	Entelosríos	96	19,6719,67%
10	La Espina	8	1,641,64%
11	L'Aspriella	0	00%
12	Las Ferreras	8	1,641,64%
13	El Xabiel	5	1,021,02%
14	Llantrales	65	13,3213,32%
15	El Mirín d'Arriba	5	1,021,02%
16	Picalgallu	6	1,231,23%
17	El Pozancu	0	00%
18	Prioutu	15	3,073,07%
19	El Rebollal	5	1,021,02%
20	El Regueiru	14	2,872,87%
21	El Rellán	16	3,283,28%
22	Ribiellas	23	4,714,71%
23	El Rodacu	30	6,156,15%
24	Santu Dolfu		n/d
25	Sobroveiga	11	2,252,25%
26	El Xorru	11	2,252,25%
27	La Zurraquera	10	2,052,05%
28	La Casona	3	0,610,61%
29	El Mirín d'Abaxu		n/d

Sitios

• El Bailache
• El Bravón
• El Campu'l Vaqueiru
• El Casal
• El Castiellu
• El Llanu Ribiellas
• El Monte
• El Perellal
• El Pradón
• El Pumarín
• El Toral
• Fanculu
• La Cabaña
• La Cuesta Moutas
• La Infiesta
• La Ponte
• La Venta
• Las Arangas
• Menende
• Pertegón
• San Playu