Larry Sanger

Lawrence «Larry» Mark Sanger (16 de xunetu de 1968, Bellevue) ye un filósofu d'Estaos Xuníos, célebre por ser cofundador de Wikipedia, al pie de Jimmy Wales, y contribuyir a entamala como una comunidá llibre, abierta y collaborativa, desenvolviendo delles de les polítiques más importantes de la enciclopedia.^[2] De la mesma ye'l creador de Citizendium.^[3]

Larry Sanger
Vida
Nacimientu	Bellevue, 16 de xunetu de 1968[1] (57 años)
Nacionalidá	Estaos Xuníos
Residencia	Columbus
Estudios
Estudios	Reed College (en) Universidá Estatal d'Ohio Service High School (en)
Nivel d'estudios	Philosophiæ doctor
Llingües falaes	inglés
Oficiu
Oficiu	filósofu, blogueru, informáticu teóricu, empresariu
Emplegadores	Bomis Universidá Estatal d'Ohio Nupedia Citizendium (en)
Trabayos destacaos	Wikipedia Citizendium (en)
IMDb	nm2942095
larrysanger.org

Vida y estudios

Nacíu en Washington y criáu en Anchorage, Alaska, llicencióse en filosofía na Reed College en 1991 y recibió el so doctoráu en filosofía de la Universidá Estatal de Canadá en 2000. La so tesis de grau titúlase Los métodos cartesianos y la so fonderada teórica, y la so tesis de doctoráu, La circularidá epistémica: Un ensayu avera del problema de #meter-xustificación.

Nupedia y Wikipedia

Sanger trabayó pa la empresa Bomis, propiedá de Jimmy Wales, que fracasó al cabu de seis años, como redactor xefe de Nupedia. Por causa de desencantos pol lentu meyora d'ésta, en xineru de 2001 propón crear una wiki para dinamizar la creación d'artículos. Como resultáu d'esto va surdir Wikipedia, que'l so nome foi escurríu por Larry Sanger, col propósitu d'apurrir conocencies universales a la humanidá y con esto evitar disputes tocantes a definiciones y otros, na busca de l'harmonía y la paz mundial. D'esta forma sería l'únicu editor pagu de la enciclopedia, estatus que caltuvo dende'l 15 de febreru de 2001 hasta'l día del so arrenunciu a cualquier rellación con Wikipedia, el 1 de marzu de 2002.^[4]

Sanger afirma ser el cofundador de Wikipedia^[5] al pie de Jimmy Wales, anque esti postreru dende 2005 refugó en delles ocasiones esta considerancia, proclamándose l'únicu fundador de la enciclopedia —anque antes d'esa fecha sí lu reconocía como cofundador. Wales argumenta que, anque'l rol de Sanger yera importante, nun dexaba de ser un emplegáu so la so direición, a lo que Sanger respondió en dalguna ocasión, afirmando que mientres él entamaba Wikipedia, Wales centróse principalmente en Bomis.^[6]

En saliendo de la Wikipedia volvió a la Universidá Ohio State, onde llogró'l doctoráu en filosofía.^[7] En setiembre de 2006, Sanger anunció la creación d'una bifurcación de Wikipedia, denominada Citizendium, na cual utilizaríense nomes reales y taría compuesta d'espertos en cada materia.